തമിഴ് സിനിമയിലൂടെ വെള്ളിത്തിരയിലേക്ക് ചുവടുവെച്ച് ഇപ്പോൾ തെന്നിന്ത്യൻ സിനിമകളിൽ ഏറെ താരമൂല്യമുള്ള ഒരു നടിയാണ് സാമന്ത. വളരെ പെട്ടെന്ന് സാമന്ത തെന്നിന്ത്യൻ സിനിമകളിൽ നിറസാന്നിധ്യമായി മാറി. താരം അഭിനയത്തിൽ മാത്രമല്ല പഠനത്തിലും പുലിയായിരുന്നു എന്ന് തെളിയിക്കുന്ന രേഖകളാണ് ഇപ്പോൾ പുറത്തുവരുന്നത്. കോളേജിലെയും സ്കൂളിലെയും പ്രോഗ്രസ് കാർഡുകളാണ് ഇപ്പോൾ സോഷ്യൽ മീഡിയയിൽ പരക്കുന്നത്.
എന്നാൽ ഈ റിപ്പോർട്ടുകൾ താരത്തിന്റേതാണ് എന്ന് സ്ഥിരീകരിക്കുന്ന ഔദ്യോഗിക വിവരങ്ങളൊന്നും ഇതുവരെ വന്നിട്ടില്ല. കണക്കിൽ നൂറിൽ 100 മാർക്ക് വാങ്ങിച്ച റിപ്പോർട്ടിലെ റിമാർക്സ് കോളത്തിൽ സാമന്ത ഈ സ്കൂളിന് തന്നെ ഒരു മുതൽക്കൂട്ടാണ് എന്നാണ് എഴുതിയിരിക്കുന്നത്. ഡിഗ്രി സർട്ടിഫിക്കട്ടിലും ഡിസ്റ്റിങ്ഷൻ ആണ് മാർക്ക് ചെയ്തിരിക്കുന്നത്.
2010ലെ ഗൗതം മേനോൻ ഹിറ്റ് ചിത്രം വിണ്ണൈത്താണ്ടി വരുവായായിലൂടെ സിനിമയിലെത്തിയ നടിയാണ് സാമന്ത ഇതേ ചിത്രത്തിന്റ തെലുങ്കു പതിപ്പിലൂടെ നാഗചൈതന്യയുടെ നായികയായി സിനിമയിൽ തന്റെ താരവാഴ്ചക്ക് തുടക്കമിട്ട സാമന്ത പിന്നിട് നാഗചൈതന്യയെ തന്നെയാണ് വിവാഹം ചെയ്തത്
