റാം സംവിധാനം ചെയ്ത ‘പേരന്‍പി’ന്റെ ഓഡിയോ ലോഞ്ച് കഴിഞ്ഞ ദിവസമാണ് ചെന്നൈയില്‍ വെച്ച്‌ നടന്നത്. പരിപാടിയില്‍ പങ്കെടുക്കാനെത്തിയ എല്ലാവര്‍ക്കും പറയാനുള്ളത് മെഗാസ്റ്റാര്‍ മമ്മൂട്ടിയെ കുറിച്ചായിരുന്നു. സിനിമ കണ്ടവര്‍ക്കെല്ലാം നൂറുനാവാണ്. ചിത്രത്തിലെ മമ്മൂട്ടിയുടെ അഭിനയത്തെ പ്രശംസിച്ച്‌ നടന്‍ സമുദ്രക്കനി രംഗത്തെത്തിയിരിക്കുകയാണ്.
റാമിന് അഭിനന്ദനങ്ങള്‍. റാം ചെയ്ത നാല് ചിത്രങ്ങളും വെച്ച്‌ നോക്കിയാല്‍ ഏറ്റവും മികച്ചത് പേരന്‍പ് തന്നെയാണ്. ഈ ചിത്രം കണ്ടുകഴിഞ്ഞാല്‍, നമ്മള്‍ ഭാഗ്യം ചെയ്തവരാണെന്നും അത്രയും സുഖകരമായ ജീവിതമാണ് നമ്മള്‍ നയിച്ചുകൊണ്ടിരിക്കുന്നതെന്നും സ്വയം തോന്നും.
മമ്മൂക്കയുടെ കൂടെ അഭിനയിക്കാന്‍ ഒരു അവസരം ലഭിച്ചു.
ആ ഒരു അനുഭവം ഒരിക്കലും മറക്കാന്‍ കഴിയില്ല. തനിയാവര്‍ത്തനം എന്നൊരു മലയാളം പടമുണ്ട്. കാണണമെന്ന് തോന്നുമ്ബോഴെല്ലാം ആ സിനിമ ഞാന്‍ കാണും. ആ ചിത്രം അദ്ദേഹത്തിന് ഒരുപാട് അവാര്‍ഡുകളും അഭിനന്ദനങ്ങളും നല്‍കിയിരുന്നു. അതിനേക്കാള്‍ അവാര്‍ഡുകള്‍ പേരന്‍പ് അദ്ദേഹത്തിന് നല്‍കും. – സമുദ്രക്കനി പറയുന്നു.
