പോപ്കോൺ എന്ന ചിത്രത്തിലൂടെ അഭിനയരംഗത്തേക്ക് കടന്നുവന്ന് തീവണ്ടി എന്ന ടോവിനോ നായകനായ ചിത്രത്തിലൂടെ മലയാളികളുടെ ഹൃദയം കവർന്ന താരമാണ് സംയുക്ത മേനോൻ. തീവണ്ടി എന്ന ഒരൊറ്റ ചിത്രത്തിലൂടെ താരം ഏറെ ജനശ്രദ്ധ നേടിയെടുത്തു. അതിലൂടെ കൂടുതൽ അവസരങ്ങളും താരത്തിന് ലഭിച്ചു. ഇപ്പോൾ അഭിനയരംഗത്തും മോഡലിംഗ് രംഗത്തും തിളങ്ങി നിൽക്കുകയാണ് സംയുക്ത മേനോൻ. തീവണ്ടി എന്ന ചിത്രത്തിൽ ടോവിനോയെ ചുംബിക്കുന്ന രംഗത്തെ പറ്റി ഇപ്പോൾ തുറന്നു പറയുകയാണ് താരം.
ലില്ലി എന്ന ചിത്രത്തിനു ശേഷമാണ് തീവണ്ടിയിലേക്ക് എത്തുന്നതെന്നും എന്നാൽ ആ വേഷം തനിക്ക് തികച്ചും അപ്രതീക്ഷിതമായിരുന്നു എന്നും സംയുക്ത പറയുന്നു. ലില്ലി റിലീസ് ആയതിനു ശേഷം കൂടുതൽ അവസരങ്ങൾ വരുമെന്ന് താൻ പ്രതീക്ഷിച്ചു എന്നും പുതിയ സിനിമയിലെ നായകൻ ടോവിനോ ആണെന്ന് അറിഞ്ഞപ്പോൾ കൂടുതൽ സന്തോഷമായി എന്നും താരം പറയുന്നുണ്ട്. സിനിമയുടെ കഥ പറഞ്ഞപ്പോൾ തന്നെ ചുംബന രംഗത്തെ പറ്റിയും സംവിധായകൻ പറഞ്ഞിരുന്നുവെന്നും ആ കഥയുടെ പൂർണതയ്ക്ക് അത് ആവശ്യമാണെന്ന് അറിഞ്ഞപ്പോൾ അത് ചെയ്യുന്നതിന് യാതൊരു മടിയും തനിക്ക് തോന്നിയില്ല എന്നും സംയുക്ത പറയുന്നു. എന്നാൽ ആ രംഗം അഭിനയിക്കുമ്പോൾ ടോവിനോയ്ക്ക് നല്ല ചമ്മൽ ഉണ്ടായിരുന്നുവെന്നും തനിക്ക് പ്രശ്നം ഒന്നും ഇല്ലായിരുന്നു എന്നും താരം കൂട്ടിച്ചേർത്തു.
