ഡാൻസ് റിയാലിറ്റി ഷോയിലൂടെ സിനിമ രംഗത്തേക്ക് ചുവട് വെച്ച് വന്നയാളാണ് സാനിയ ഇയ്യപ്പൻ. താരത്തിന്റെ ഡാൻസ് വീഡിയോകളും ഫോട്ടോസുമെല്ലാം പ്രേക്ഷകർ എന്നും ഏറ്റെടുക്കാറുണ്ട്. ഫാദേഴ്‌സ് ഡേ ആയ ഇന്ന് താരം തികച്ചും വ്യത്യസ്തമായ ഒരു ഡാൻസുമായിട്ടാണ് പ്രേക്ഷകർക്ക് മുന്നിലേക്ക് എത്തിയിരിക്കുന്നത്. വിജയ് നായകനായ മാസ്റ്ററിലെ വാത്തി കമിംഗ് എന്ന ഗാനത്തിന് ഡാഡി ഇയപ്പച്ചനൊപ്പം ചുവട് വെക്കുന്ന ഒരു മാസ്സ് ഡാൻസ് കവറാണ് താരം ഒരുക്കിയിരിക്കുന്നത്. ജിക്സൺ ഫ്രാൻസിസാണ് ക്യാമറ കൈകാര്യം ചെയ്‌തിരിക്കുന്നത്‌. നൗഫലാണ് എഡിറ്റിംഗ്. സൂരജ് എസ് കെ സ്റ്റൈലിംഗും ആഷ്‌ന ആഷ് മേക്കപ്പും നിർവഹിച്ചിരിക്കുന്നു.
കൈദി എന്ന ബ്ലോക്ബസ്റ്റർ ചിത്രം നമുക്ക് സമ്മാനിച്ച ലൊക്കേഷൻ കനകരാജ് അടുത്തതായി സംവിധാനം ചെയ്യുന്ന ചിത്രമാണ് ദളപതി വിജയ് നായകനായെത്തുന്ന മാസ്റ്റർ. ദളപതി വിജയ്ക്കൊപ്പം വിജയ് സേതുപതിയും വേഷമിടുന്ന ചിത്രത്തിലെ ഗാനങ്ങൾ എല്ലാം ഹിറ്റായിരുന്നു. ശന്തനു ഭാഗ്യരാജ്, മാളവിക മോഹനൻ, ഗൗരി കിഷൻ, അർജുൻ ദാസ്, ആൻഡ്രിയ, ശ്രീമാൻ, പ്രേം, സഞ്ജീവ്, ശ്രീനാഥ്, രമ്യ സുബ്രമണ്യൻ, രമേശ് തിലക് എന്നിങ്ങനെ വൻ താരനിരയാണ് ചിത്രത്തിൽ അണിനിരക്കുന്നത്. ചിത്രത്തിന് സംഗീതം ഒരുക്കുന്നത് അനിരുദ്ധ് രവിചന്ദറാണ്.
