ഒരാള്‍ക്കു പ്രശസ്തിയും, ലക്ഷ കണക്കിന് ആരാധകരും ഉണ്ടാകുമ്പോള്‍ ഉള്ള ചൊറിച്ചിലാണ് ചിലർക്ക്;രജിത് കുമാറിന് വീണ്ടും പിന്തുണയുമായി സന്തോഷ് പണ്ഡിറ്റ്

വിമാനത്താവളത്തിലും, തിയേറ്ററുകളിലും, ആരാധനാലയങ്ങളിലും എല്ലാം കൊറോണ പടർന്നുപിടിക്കുന്നതിനെത്തുടർന്ന് വിലക്കുകൾ ഏർപ്പെടുത്തിയപ്പോൾ എന്തുകൊണ്ട് ബിവറേജിൽ മാത്രം അത് പ്രാവർത്തികമാക്കുന്നില്ല എന്ന ചോദ്യവുമായി രംഗത്തെത്തിയിരിക്കുകയാണ് നടൻ സന്തോഷ് പണ്ഡിറ്റ്. നിയമങ്ങളെ പരിഹസിച്ചുകൊണ്ട് കൊറോണ ബിവറേജിലും ബാറിലും പോവില്ല എന്നും കാരണം കൊറോണ വെള്ളമടി നിർത്തി എന്നും സന്തോഷ് പണ്ഡിറ്റ് കുറിക്കുന്നു. ബിഗ് ബോസ് സീസൺ ടു വിൽ നിന്നും പുറത്താക്കപ്പെട്ട രജിത് കുമാറിനെ സ്വീകരിക്കുവാൻ നിരവധി ആളുകൾ വിമാനത്താവളത്തിലെത്തിയതിനെത്തുടർന്നാണ് സന്തോഷ് പണ്ഡിറ്റ് പോസ്റ്റ് ഇട്ടിരിക്കുന്നത്.

കുറിപ്പിന്റെ പൂര്‍ണ്ണരൂപം…

പണ്ഡിറ്റിന്റെ സാമൂഹ്യ നിരീക്ഷണം..

ഡോ. രജിത് കുമാര്‍ സാറിന് കട്ട സപ്പോ4ട്ടുണ്ടേ.. കേരളത്തിലെത്തിയ ഡോ. രജിത് സാറിന് ആയിര കണക്കിന് ആരാധകരുടെ വക വമ്പന്‍ സ്വീകരണം.. കൊറോണ ആയിട്ട് പോലും ആയിരങ്ങള്‍ അദ്ദേഹത്തെ കാണാന്‍ വന്നിട്ടുണ്ടെങ്കില്‍ ഊഹിക്കാമല്ലോ അദ്ദേഹത്തിന്റെ range എന്താണെന്ന്. ആരും അസൂയപ്പെട്ടിട്ട് കാര്യമില്ല ട്ടോ..

പുറം ലോകവുമായി ഒരു ബന്ധം ഇല്ലാത്ത പ്രോഗ്രാമില്‍ പങ്കെടുത്തിട്ട്, ലക്ഷകണക്കിന് ജനങ്ങളുടെ പിന്തുണ ഉള്ള ഒരാളെ പുറത്തേയ്ക്കു വിടുമ്പോള്‍ അദ്ദേഹത്തിന്റെ ലക്ഷ കണക്കിന് ഫാന്‍സ് അദ്ദേഹത്തെ സ്വീകരിക്കാന്‍ വരുന്നത് സ്വാഭാവികമല്ലേ ?

കൊറോണ എയര്‍പോര്‍ട്ടില്‍ പോകുമത്രേ.

കൊറോണ സ്‌കൂളില്‍ പോകുമത്രേ..

കൊറോണ പള്ളിയില്‍ പോകുമത്രേ…

കൊറോണ അമ്പലത്തില്‍ പോകുമത്രേ…

കൊറോണ കല്യാണ വീട്ടില്‍ പോകുമത്രേ..

കൊറോണ സിനിമാ തിയറ്ററില്‍ പോകുമത്രേ..

പക്ഷേ ..കൊറോണ ആയിരങ്ങള്‍ ഒത്തുകൂടി ക്യൂ നില്‍ക്കുന്ന ബവറേജിലും ബാറിലും (മദ്യ ശാലകളില്‍) പോകില്ലത്രേ…കാരണം കൊറോണ വെള്ളമടി നിര്‍ത്തി….അതാണ്. മദ്യപാനികളെ കണ്ടാല്‍ പാവം കൊറോണക്ക് പേടിയാണ് പോലും..

(വാല്‍കഷ്ണം.. ചുരുങ്ങിയ സമയം കൊണ്ട് ഒരാള്‍ക്കു പ്രശസ്തിയും, ലക്ഷ കണക്കിന് ആരാധകരും ഉണ്ടാകുമ്പോള്‍ ഉള്ള ചൊറിച്ചില്‍ ആണ് ഇപ്പോള്‍ പലരിലും നാം കാണുന്നത്.)