ട്രോളിങ് നിരോധനം കാരണം ബുദ്ധിമുട്ടിലായ മത്സ്യതൊഴിലാളികള്‍ക്ക് സഹായവുമായി എത്തിയിരിക്കുകയാണ് സന്തോഷ് പണ്ഡിറ്റ്. ഫേസ്ബുക്കിലൂടെ താന്‍ സഹായം എത്തിച്ച കാര്യം സന്തോഷ് പണ്ഡിറ്റ് പങ്കുവെച്ചു. വലുപ്പ ചെറുപ്പമില്ലാതെ എല്ലാവരുടെയും നിസ്വാര്‍ത്ഥ്വമായ സഹകരണം കൊണ്ട് ഒലിച്ചു പോകുമായിരുന്ന ഒരു നാടിനെ മലയാളികള്‍ പിടിച്ചു നിര്‍ത്തിയപ്പോൾ ആ പ്രയ്തനത്തിന് ചുക്കാന്‍ പിടിച്ച ഒരു പറ്റം ആളുകളായിരുന്നു മത്സ്യത്തൊഴിലാളികൾ.ട്രോളിങ് നിരോധനത്തെ തുടർന്ന് കായംകുളം, ഓച്ചിറ , കൊല്ലം മേഖലയിലെ കുടുംബങ്ങള്‍ക്ക് കഴിയും വിധം സഹായം നല്‍കിയെന്ന് പണ്ഡിറ്റ് പറയുന്നു.
സിനിമയുടെ പോസ്റ്റ് പ്രൊഡക്ഷന്‍ ജോലികള്‍ക്ക് താല്‍ക്കാലിക അവധി നല്‍കികൊണ്ടാണ് താരം ഇതിനായി ഇറങ്ങി തിരിച്ചത്.വ്യക്തിപരമായ സാമ്പത്തിക ഞെരുക്കം ഉള്ളതിനാല്‍ വലിയ തോതില്‍ സാമ്പത്തികമായി സഹായിക്കാനായില്ലെന്നും സാധിക്കുന്നവര്‍ ഇവിടെ നേരിട്ടെത്തി സഹായിക്കാന്‍ ശ്രമിക്കണമെന്നും താരം പറഞ്ഞു.ദുരന്തമുഖത്ത് നേരിട്ടെത്തി തന്നാല്‍ കഴിയും വിധം സഹായിക്കുന്ന ഒരു മാതൃക താരമാണ് സന്തോഷ് പണ്ഡിറ്റ്.ഗജ ചുഴലിക്കാറ്റില്‍ കനത്ത നാശം നേരിട്ട തമിഴ്‌നാട്ടിൽ സേവന സഹായവുമായി എത്തിയിരുന്ന താരം നേരത്തെ വിഷു ആഘോഷത്തിന് അട്ടപ്പാടിയിലെത്തി വിദ്യാര്‍ത്ഥികളെ സഹായിക്കാനും മുന്നിട്ടിറങ്ങിയിരുന്നു.
