കഴിഞ്ഞ 30 വർഷങ്ങൾ കൊണ്ട് ജീവിതഗന്ധിയായി നിരവധി ചിത്രങ്ങൾ ചെയ്ത് മലയാളികളെ ചിരിപ്പിക്കുകയും ഒപ്പം ചിന്തിപ്പിക്കുകയും ചെയ്ത സംവിധായകനാണ് സത്യൻ അന്തിക്കാട്. അദ്ദേഹം ഓരോ ചിത്രത്തിലൂടെ ഓരോ സന്ദേശം പകർന്നു നൽകുന്നു. സത്യൻ അന്തിക്കാട് ചിത്രങ്ങളിൽ നായകന്മാരായി കൂടുതലും എത്താറ് ജയറാമും മോഹൻലാലുമാണ്. സത്യൻ അന്തിക്കാട് – മമ്മൂട്ടി കൂട്ടുകെട്ടിൽ വിരിഞ്ഞ ചിത്രങ്ങൾ നന്നേ കുറവാണ്. കിന്നാരം, ശ്രീധരന്റെ ഒന്നാം തിരുമുറിവ്, അർത്ഥം, കളിക്കളം, കനൽക്കാറ്റ്, ഗോളാന്തര വാർത്ത, no : 1 സ്നേഹതീരം, ഒരാൾ മാത്രം എന്നീ ചിത്രങ്ങൾക്ക് വേണ്ടിയാണ് മമ്മൂട്ടിയും സത്യൻ അന്തിക്കാടും ഒരുമിച്ചിട്ടുള്ളത്.
കാര്‍ഷിക രംഗത്തെ മികവിന് കേരളത്തിലെ മികച്ച കര്‍ഷകര്‍ക്കായി കൈരളി ടിവി ഏര്‍പ്പെടുത്തിയ കതിര്‍ അവാര്‍ഡുകള്‍ വിതരണം ചെയ്യുമ്പോൾ കൈരളി ടിവി ചെയര്‍മാൻ കൂടിയായ മമ്മൂട്ടിയെ മുഖ്യാതിഥിയായി പങ്കെടുത്ത സത്യൻ അന്തിക്കാട് കൃഷിയിലെ തന്റെ ഗുരുനാഥനായിട്ടാണ് വിശേഷിപ്പിച്ചത്. ഒരു സംവിധായകൻ മമ്മൂട്ടിയെ നായകനാക്കി കഴിഞ്ഞാൽ അദ്ദേഹത്തിന് പിന്നെ സമാധാനം ഉണ്ടാകില്ലെന്നും പിന്നെ എപ്പോഴും ഫോൺ കോളുകളുടെ ബഹളം ആയിരിക്കും എന്നും സത്യൻ അന്തിക്കാട് പറഞ്ഞു. ആ കഥാപാത്രം എങ്ങനെയായിരിക്കണം, എങ്ങനെ നടക്കണം ,എന്ത് വസ്ത്രം ധരിക്കണം എന്നുള്ള ചിന്തകളിൽ ആയിരിക്കും പിന്നീടങ്ങോട്ട് മമ്മൂട്ടി.അതുകൊണ്ട് അദ്ദേഹത്തെ കേന്ദ്രകഥാപാത്രമാക്കിയുള്ള ഒരു ചിത്രം തന്റെ മനസ്സിൽ ഉണ്ടെന്നും സത്യൻ അന്തിക്കാട് കൂട്ടിച്ചേർത്തു.
