ധീരജ് ഡെന്നിയും ആദ്യാ പ്രസാദും പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് കർണൻ നെപ്പോളിയൻ ഭഗത് സിംഗ്. ചിത്രത്തിലെ ആദ്യ ലിറിക് വീഡിയോ കഴിഞ്ഞ ദിവസം പുറത്തിറങ്ങിയിരുന്നു. ‘കാതോർത്തു കാതോർത്തു’ എന്ന് തുടങ്ങുന്ന ഗാനം ആലപിച്ചിരിക്കുന്നത് ഉണ്ണി മേനോനാണ്. ഒരിടവേളയ്ക്കുശേഷം ഉണ്ണി മേനോൻ മലയാളത്തിൽ പാടുന്നു എന്ന പ്രത്യേകത ഈ ഗാനത്തിനുണ്ട്.
ചിത്രത്തിലെ ‘സായാഹ്‌ന തീരങ്ങളിൽ എന്ന ഗാനം നാളെ വൈകിട്ട് 5 മണിക്ക് പുറത്തിറങ്ങുമെന്ന് അറിയിച്ചിരിക്കുകയാണ് ചിത്രത്തിന്റെ അണിയറ പ്രവർത്തകർ. രഞ്ജിൻരാജിന്റേതാണ് സംഗീതം. ഫസ്റ്റ് പേജ് എന്റെർറ്റൈന്മെന്റിന്റെ ബാനറിൽ മോനു പഴേടത്ത് നിർമ്മിച്ചിരിക്കുന്ന കർണൻ നെപ്പോളിയൻ ഭഗത്സിംഗിന്റെ രചനയും സംവിധാനവും നിർവഹിച്ചിരിക്കുന്നത് ശരത് ജി മോഹനാണ്.
