ഗായികയായി കരിയർ ആരംഭിച്ച പിന്നീട് സംഗീത സംവിധായകനായി മാറിയ താരമാണ് സയനോര ഫിലിപ്പ്. സ്വരമാധുര്യത്തിലൂടെ സയനോര മലയാളികളുടെ മനം കവർന്നു. 2018 ൽ കുട്ടൻപിള്ളയുടെ ശിവരാത്രി എന്ന ചിത്രത്തിലൂടെയാണ് സംഗീത സംവിധായികയായി അരങ്ങേറ്റം കുറിക്കുന്നത്. ഇതോടൊപ്പം ഒരു ഡബ്ബിങ് ആർട്ടിസ്റ്റ് കൂടിയാണ് താരം. ആഷ്ലി ഡി ക്രൂസ് ആണ് സയനോരയുടെ ഭർത്താവ്. ഒരു ജിം ഇൻസ്ട്രക്ടർ ആണ് ആഷ്ലി. ഇരുവർക്കും ഒരു മകളാണ് ഉള്ളത്. തന്റെ ഭർത്താവിനെക്കുറിച്ചും വിവാഹത്തെക്കുറിച്ചും സയനോര ഒരു മാധ്യമത്തിന് നൽകിയ അഭിമുഖത്തിൽ തുറന്നു പറഞ്ഞിരുന്നു.
സയനോരയുടെ വാക്കുകൾ:
“ഞാൻ തടി കുറക്കാൻ പോയപ്പോലാണ് ഞങ്ങൾ തമ്മിൽ കാണുന്നത്. ഞാൻ ജിമ്മിൽ പോകുമ്പോൾ ആഷ്ലി ഓസ്ട്രേലിയയിലേക്ക് ഒരു ജോലി ശെരിയാക്കി പോകാനിരിക്കുകയായിരുന്നു. രണ്ട് മൂന്ന് മാസം മാത്രമേ ഉണ്ടായിരുന്നുള്ളു ബാക്കി. ഞാൻ അവനെ കണ്ടപ്പോൾ. കൊള്ളാലോ ചരക്ക് ചെക്കനാണല്ലോ എന്നായി. എല്ലാ ദിവസവും വന്നു എക്സർസൈസ് ചെയ്യാനൊരു മോട്ടിവേഷനായി എന്ന ചിന്തയായി. ഫ്രണ്ട്സിനെ ഞാൻ വിളിച്ചു പറഞ്ഞു നാളെ മുതൽ കൃത്യമായി ഞാൻ ജിമ്മിൽ പോകും, നല്ലൊരു മൊഞ്ചൻ ചെക്കനുണ്ട് അവിടെ എന്നു.
ഞാനും അവനും വളരെ ഫ്രണ്ട്ലിയായി. അവനായിരുന്നു എന്റെ ഇൻസ്ട്രക്ടർ. ആദ്യ ബാചിൽ ഫുൾ ആണുങ്ങൾ ആയിരിന്നു. ആകെ ഒരു പെണ്ണ് ഞാൻ മാത്രമായിരുന്നു. നിങ്ങൾക്ക് ലേഡീസ് ബാച്ചിൽ വന്നുണ്ടായിരുന്നോ? എന്നവൻ ചോദിച്ചിരുന്നു. ഞങ്ങളുടെസ്ഥിരം സംസാരം ഒക്കെ കണ്ടപ്പോൾ ജിമ്മിൽ ഒരു ചോദ്യം വന്നു അവർ തമ്മിൽ എന്താണ് എന്നു. ഞാൻ ഒരു പാട്ടുകാരി ആണെന്നും പോപുലർ ആണെന്നും ഒന്നും അവനു അറിയുന്നുണ്ടായിരുന്നില്ല. ഞാൻ ഏതോ ചാനൽ ആങ്കർ ആണെന്നാണ് അവൻ വിചാരിച്ചേ. ഒരു ദിവസം ഞാൻ അവനെ വിളിച്ചു പറഞ്ഞു ” എനിക്ക് വീട്ടിൽ കല്യാണം ഒക്കെ നോക്കുകയാണ്, നമ്മളെ പറ്റി ജിമ്മിൽ ഒരു സംസാരം ഉണ്ട്. അത് തുടർന്നു കൊണ്ട് പോകാൻ പറ്റില്ല. അതുകൊണ്ട് ഞാൻ ഇനി നിന്നോട് ഒന്നും സംസാരിക്കില്ല.പെട്ടന്നു അവൻ പറഞ്ഞു സായ വേണമെങ്കിൽ വീട്ടിൽ വാ എന്റെ അച്ഛനെയും അമ്മയെയും ഒക്കെ കാണു. ഇഷ്ടമാകുവാണെൽ നമ്മുക്ക് കല്യാണം കഴിക്കാം . ഒരു മാസത്തിനുള്ളിൽ ഞങ്ങളുടെ കല്യാണം ഉറപ്പിച്ചു. എന്ഗേജ്മെന്റ് മുതൽ കല്യാണം വരെയുള്ള 8 മാസത്തെ ഇടവേളയിലാണ് ഞങ്ങൾ പ്രേമിച്ചത്.
