മലയാളി പ്രേക്ഷകർ ഏറെ ആകാംക്ഷയോടെയും ആവേശത്തോടെയും കാത്തിരിക്കുന്ന ചിത്രമാണ് ലാലേട്ടന്റെ ബ്രഹ്മാണ്ഡചിത്രം ഒടിയൻ. വി എ ശ്രീകുമാർ മേനോൻ ഒരുക്കുന്ന ചിത്രത്തിന്റെ നിർമാണം ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ്. തിരക്കഥയൊരുക്കുന്നത് കുട്ടിസ്രാങ്ക് എന്ന ചിത്രത്തിലൂടെ ദേശീയ പുരസ്‌കാരം കരസ്ഥമാക്കിയ ഹരികൃഷ്ണനാണ്. ഒടിയനിലേക്കെത്തിയ കഥ അദ്ദേഹം തന്നെ പങ്കുവെക്കുകയാണ്.
“സിനിമയിലേക്ക് എത്തും മുൻപ് തന്നെ മാധ്യമപ്രവർത്തനമാണ് കർമ്മ മേഖല. ഒരു ദിവസം വിദ്യാർത്ഥികൾക്കായി ക്ലാസ്സുകൾ എടുക്കാൻ എത്തിയതായിരുന്നു വഴിത്തിരിവായി മാറിയത്. ജേർണലിസം വിദ്യാർത്ഥികൾക്ക് അന്ന് ഫീച്ചർ ഉണ്ടാക്കാൻ ഒരു വിഷയം നൽകി. വിശ്വവിഖ്യാത സംവിധായകൻ ‘സ്റ്റീവൻ സ്പിൽബെർഗ് പാലക്കാടിനെ ആസ്പദമാക്കി ഒരു ചിത്രമെടുത്താൽ എങ്ങെനെയിരിക്കും’ എന്നതായിരുന്നു നൽകിയ ടോപിക്. അന്ന് ചർച്ചകളും ഫീച്ചർ തയ്യാറാക്കളുമെല്ലാം നടന്നു പക്ഷെ മനസിൽ നിന്നും ആ ചോദ്യം മാഞ്ഞില്ല. പിന്നീട് അത്തരത്തിലൊരു വിഷയത്തെ കുറിച്ച് ആലോചിച്ചു. അതാണ് എന്നെ ഒടിയനിലേക്ക് എത്തിച്ചത്” ഒരു സ്വകാര്യ മാധ്യമത്തിന് നൽകിയ അഭിമുഖത്തിലാണ് ഹരികൃഷ്ണൻ ഇത് വ്യക്തമാക്കിയത്.
