മലയാള ടെലിവിഷൻ താരങ്ങൾ എല്ലാവരും ഒത്തുകൂടിയുള്ള ഓണപരിപാടികളുടെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ ട്രെൻഡിങ്. പ്രേക്ഷകർക്ക് ഒരു ഓണ വിരുന്ന് തന്നെയായിരിക്കും ഇവരുടെ ആഘോഷപരിപാടികൾ. ഫളവേഴ്‌സ്, മഴവില്‍ മനോരമ, ഏഷ്യാനെറ്റ്, തുടങ്ങി മലയാളത്തിലെ മുന്‍നിര ചാനലുകളെല്ലാം ഓണത്തിന് താരങ്ങളെ വെച്ച് പ്രത്യേക പരിപാടികള്‍ ഒരുക്കുന്നുണ്ട്. നേരത്തെ ഷൂട്ട് ചെയ്തുവച്ചിരിക്കുന്ന പരിപാടി ഓണത്തിന് ടെലികാസ്റ് ചെയ്യാനാണ് പ്ലാൻ, അതിന് മുമ്പേ താരങ്ങൾ ആഘോഷങ്ങളുടെ ചിത്രങ്ങൾ സോഷ്യൽ മീഡിയിൽ പങ്കുവെച്ചിരുന്നു.. എല്ലാ ചാനലുകളും അവരുടെ സീരിയലുകളില്‍ അഭിനയിക്കുന്ന താരങ്ങളെ വെച്ചാണ് കൂടുതലും പരിപാടികള്‍ ഒരുക്കിയിരിക്കുന്നത്.
മഴവിൽ മനോരമയുടെ തട്ടീം മുട്ടീം, മറിമായം എന്നിങ്ങനെ രണ്ട് കൂട്ടരും ചേർന്ന് ഷൂട്ടിങ് സെറ്റിൽ വെച്ചാണ് ആഘോഷ പരിപാടികൾ സംഘടിപ്പിച്ചത്, നടി മഞ്ജു പിള്ള ആഘോഷങ്ങളുടെ ചിത്രങ്ങൾ സോഷ്യൽ മീഡിയിൽ പങ്കുവച്ചിരുന്നു.. അതുപോലെ സീ കേരളത്തില്‍ സംപ്രേക്ഷണം ചെയ്യുന്ന കീര്‍ത്തിക ദീപം, നീയും ഞാനും, സുമംഗലിഭഃവ, ചെമ്പരത്തി, പൂക്കാലം വരവായി എന്നിങ്ങനെയുള്ള സീരിയലുകളിലെ നായിക, നായകന്മാരെല്ലാം ഒത്തുചേര്‍ന്നിട്ടുള്ള വലിയ ആഘോഷപരിപാടികളാണ് ചാനൽ ഒരുക്കിയിരിക്കുന്നത്..
അതുപോലെ കസ്തൂരിമാന്‍, കുടുംബവിളക്ക്, വാനമ്പാടി, സീത കല്യാണം, എന്നിങ്ങനെയുള്ള സീരിയലുകളിലെ താരങ്ങള്‍ ഒത്തുകൂടി ഏഷ്യാനെറ്റിലും ഓണാഘോഷം പൊടിപിച്ചിരിക്കുകയാണ്, രണ്ട് ദിവസം നീണ്ടുനിന്ന പരിപാടികൾ ആയിരുന്നു അവർക്ക്, നായികമാർ ഒത്തുചേർന്നുള്ള നിരവധി ചിത്രങ്ങൾ താരങ്ങൾ പങ്കുവെച്ചിരുന്നു..
