ബിബിന്‍ ജോര്‍ജിനെ നായകനാക്കി 2018ല്‍ ഷാഫി സംവിധാനം ചെയ്ത ചിത്രമായിരുന്നു ഒരു പഴയ ബോംബ് കഥ. മലയാളികളെ കുടുകുടെ ചിരിപ്പിച്ച ഒട്ടേറെ ചിത്രങ്ങൾ സമ്മാനിച്ച സംവിധായകനാണ് ഷാഫി. ചിത്രത്തിൽ പ്രയാഗ മാർട്ടിൻ ആയിരുന്നു നായിക. മലയാള മനോരമയ്ക്ക് നൽകിയ ഒരു അഭിമുഖത്തിൽ തനിക്ക് ലഭിച്ച ഒരു അപ്രതീക്ഷിത ഫോൺ കോളിനെ കുറിച്ച് തുറന്നു പറയുകയാണ് ഷാഫി. ഒരു പഴയ ബോംബ് കഥ എന്ന ചിത്രത്തിലെ ഒരു രംഗം കണ്ട് ചിരിയടക്കാൻ ആവാതെ ലുലു ഗ്രൂപ്പ് ചെയര്‍മാന്‍ എംഎ യൂസഫലി തന്നെ വിളിച്ചുവെന്ന് ഷാഫി പറയുന്നു.
ഹരീഷിനെ പരിചയപ്പെടണമെന്നും യൂസഫലി ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു. ഷാഫിക്കൊപ്പം ബിനു ജോസഫ്, സുനില്‍ കര്‍മ, എന്നിവരും ചേർന്ന് ആയിരുന്നു ചിത്രത്തിന്റെ രചന നിർവഹിച്ചത്. വിജയരാഘവന്‍, കലാഭവന്‍ ഷാജോണ്‍, ഹരിശ്രീ അശോകന്‍ തുടങ്ങിയവരും ചിത്രത്തില്‍ പ്രധാന വേഷങ്ങളിലെത്തിയിരുന്നു. ഷാഫി സംവിധാനം ചെയ്ത ഏറ്റവും പുതിയ ചിത്രം റാഫി തിരക്കഥ രചിച്ച ചിൽഡ്രൻസ് പാർക്ക് ആണ്. ചിത്രം തിയേറ്ററുകളിൽ പ്രദർശനം തുടരുകയാണ്.
