കാത്തിരിപ്പുകൾക് വിരാമം ഇട്ടുകൊണ്ട് മോഹൻലാൽ നായകനായി എത്തുന്ന ബ്രഹ്മാണ്ഡ ചിത്രം ലൂസിഫർ ഈ മാർച്ച് 28ന് തിയറ്ററുകളിൽ എത്തുകയാണ്.നടൻ പൃഥ്വിരാജ് സംവിധായകനാകുന്ന ആദ്യ ചിത്രം എന്നത് തന്നെയാണ് ലൂസിഫറിന്റെ ഏറ്റവും വലിയ പ്രത്യേകത
പൃഥ്വിരാജിന്റെ സംവിധാനമികവിനെ കുറിച്ച് വാചലനാകുകയാണ് ചിത്രത്തിൽ ഒരു പ്രധാന വേഷത്തിൽ എത്തുന്ന കലാഭവൻ ഷാജോൺ .ഒരു രംഗത്തിൽ ഞാൻ ഒരു ഭാവം കാണിച്ചപ്പോള്‍ അടുത്തുവന്ന് എന്നോടു പറഞ്ഞു അത് വേണ്ട എന്ന്. ചേട്ടന്റെ ഇങ്ങനെയുള്ള എക്സ്പ്രഷൻ വേറെ ഏതോ സിനിമയില്‍ ഞാൻ കണ്ടിട്ടുണ്ട് എന്നു പറഞ്ഞു,കലാഭവൻ ഷാജോൺ പറയുന്നു. ഇങ്ങനെ സിനിമയിൽ അഭിനയിച്ച ഓരോ നടനെ പറ്റിയും കൃത്യമായി പഠനം നടത്തിയിട്ടാണ് പൃഥ്വിരാജ് സംവിധാനത്തിലേക്ക് തിരിഞ്ഞത്, ഷാജോൺ പറയുന്നു.
പ്രിത്വിരാജിനെ കാണുമ്പോൾ എല്ലാം ചിത്രത്തിൽ എന്തെങ്കിലും ഒരു വേഷം കിട്ടുമോയെന്ന് ചോദിച്ചിരുന്നു. പിന്നീടാണ് പൃഥ്വിയുടെ കോൾ വരുന്നത്. പെട്ടെന്നുള്ള വിളയാണെന്നും ഡേറ്റ് തരണമെന്നും പറഞ്ഞായിരുന്നു വിളി. മറ്റ് തിരക്കുകളെല്ലാം മാറ്റി വച്ച് ചിത്രത്തിന്റെ ഭാഗമാവുകയായിരുന്നു
