മലയാളികൾക്ക് ഏറെ പ്രിയപ്പെട്ട താരമാണ് ഷംന കാസിം. വിവാഹം ആലോചിച്ച് വന്ന് പണം തട്ടിപ്പ് നടത്തുവാൻ ശ്രമിച്ച കേസിൽ നിന്നും മോചിതരായി വരുന്നേയുള്ളൂ ഷംന കാസിമിന്റെ കുടുംബം. ഇപ്പോൾ വിവാഹം എന്ന പേര് കേൾക്കുന്നത് തന്നെ പേടിയാണ് എന്നാണ് താരം പറയുന്നത്. എന്നാൽ വിവാഹം കഴിക്കാൻ സാധിക്കില്ല എന്ന് വീട്ടുകാരോട് പറയുവാനും ഷംനക്ക് മടിയാണ്. ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്. കഴിഞ്ഞ ഒന്നര വർഷക്കാലമായി കുടുംബം തനിക്ക് വിവാഹം ആലോചിക്കുന്നുണ്ടെന്നും താരം വെളിപ്പെടുത്തി.
ഷംനാ കാസിമിന്റെ വാക്കുകൾ:
ഒരു ഘട്ടത്തില്‍ ഞാന്‍ ചിന്തിച്ചു, ഒരു നല്ല പ്രൊപ്പോസല്‍ വരികയാണെങ്കില്‍ ചെയ്യാം. എന്റെ വിവാഹം ഇപ്പോള്‍ അമ്മയുടെ ഏറ്റവും വലിയ സ്വപ്‌നമാണ്. എന്റെ കുടുംബത്തിന്റെയും.”
”സ്വയം സെറ്റില്‍ ചെയ്യാന്‍ കുറച്ച് സമയം നല്‍കണമെന്നാണ് ഞാന്‍ ഇപ്പോള്‍ അവരോട് ആവശ്യപ്പെടുന്നത്. അവര്‍ അത് മനസിലാക്കുമെന്നും എനിക്കുറപ്പുണ്ട്. ആ സംഭവത്തിന് ശേഷം പരിഭ്രാന്തിയാകരുത് അവരെ പുറത്തു കൊണ്ടുവരാനുള്ള ഒരു കണ്ണിയായി ഞാന്‍ എന്നാണ് എന്റെ സഹോദരന്‍ എന്നോട് പറയാറുള്ളത്”.
കാസര്‍കോടുള്ള ഒരു ടിക് ടോക് താരത്തിന്റെ ഫോട്ടോ കാണിച്ചാണ്വിവാഹാലോചന എത്തിയത്. അന്‍വര്‍ അലിയാണ് എന്നെ വിളിച്ചത്. മെയ് 30ന് വിവാഹാലോചനയുമായി വരുമെന്നു പറഞ്ഞെങ്കിലും ബന്ധുവിന്റെ മരണമുണ്ടെന്നു പറഞ്ഞ് അത് മാറ്റിവച്ചു. ഇതിനിടെ ഒരു ലക്ഷം രൂപ ചോദിച്ചു ഇതോടെയാണ് സംശയം ജനിച്ചത്.
