നവാഗതനായ ബാലു നാരായണൻ രാഗിണി ദ്വിവേദിയെ നായികയാക്കി സംവിധാനം ചെയ്യുന്ന ചിത്രമാണ് ഷീല. ചിത്രത്തിൽ ഷീല എന്ന കഥാപാത്രമായാണ് രാഗിണി ദ്വിവേദി എത്തുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തു. ശരീരമാസകലം ചോരപ്പാടുകളും മുറിപ്പാടുകളുമായി ഇരിക്കുന്ന നായികയെയാണ് ഫസ്റ്റ് ലുക്ക് പോസ്റ്ററിൽ കാണാൻ കഴിയുന്നത്.
പ്രിയലക്ഷ്മി മീഡിയ പ്രൈവറ്റ് ലിമിറ്റഡിന്റെ ബാനറിൽ ഡി എം പിള്ളയാണ് ചിത്രം നിർമിക്കുന്നത്. മലയാളം, കന്നട എന്നിങ്ങനെ ദ്വിഭാഷകളിലായിട്ടാണ് ചിത്രം റിലീസ് ചെയ്യുന്നത്. കാണ്ഡഹാർ, ഫേസ് ടു ഫേസ്, പുതുമുഖങ്ങൾ എന്നീ ചിത്രങ്ങൾക്ക് ശേഷം രാഗിണി മലയാളത്തിൽ അഭിനയിക്കുന്ന സിനിമയാണ് ‘ഷീല’.
റിയാസ് ഖാൻ, മഹേഷ്, അവിനാഷ് , ശോഭ് രാജ് , സുനിൽ സുഖദ, മുഹമ്മദ് എരവട്ടൂർ, ശ്രീപതി, പ്രദോഷ് മോഹൻ, ചിത്ര ഷേണായ്, ലയ സിംപ്സൺ, സ്നേഹ മാത്യു, ബബിത ബഷീർ, ജാനകി ദേവി എന്നിവരോടൊപ്പം ഏറെ പുതുമുഖങ്ങളും ഈ ചിത്രത്തിൽ അഭിനയിക്കുന്നു. സർവൈവൽ റിവെഞ്ച് ത്രില്ലറാണ് ചിത്രം.
പ്രൊഡക്ഷൻ കൺട്രോളർ- രാജേഷ് ഏലൂർ.