മലയാളത്തിന്റെ പ്രിയപ്പെട്ട നടന്‍ ജയസൂര്യ നായകനായ സു സുധി വാത്മീകം എന്ന ചിത്രത്തിലൂടെ പ്രേക്ഷകര്‍ക്ക് പ്രിയങ്കരിയായ താരമാണ് ശിവദ. ആദ്യം തമിഴിലായിരുന്നു അരങ്ങേറ്റം. എങ്കിലും മലയാളത്തിലും തമിഴിലുമായി ഒരു പിടി നല്ല ചിത്രങ്ങളിലൂടെ മികച്ച കഥാപാത്രങ്ങള്‍ ശിവദയെ തേടിയെത്തിയിരുന്നു.
സിനിമയില്‍ ഇപ്പോഴും സജീവമായ താരത്തിന്റെ വിശേഷങ്ങളറിയാന്‍ ആരാധകര്‍ക്ക് ആകാംക്ഷയാണ്. വിവാഹ ശേഷം മറ്റുള്ള നടിമാരെ പോലെ അഭിനയത്തില്‍ നിന്ന് ശിവദ പിന്‍വാങ്ങിയില്ല .ഏറ്റവും ഒടുവിലായി താരം അഭിനയിച്ച മലയാള ചിത്രം ലൂസിഫറാണ്. ചിത്രത്തില്‍ ഇന്ദ്രജിത്തിന്റെ ഭാര്യയാണ് എത്തിയത്. ഭര്‍ത്താവ് നടന്‍ മുരളി കൃഷ്ണയാണ്. സീരിയലുകളുടെയും സിനിമയിലൂടെയും കലാ രംഗത്ത് സജീവമായിരുന്ന താരമായിരുന്നു മുരളി.
രഘുവിന്റെ സ്വന്തം റസിയ, സെക്കന്‍ഷോ എന്നീ ചിത്രങ്ങളില്‍ താരം വേഷമിട്ടിട്ടുണ്ട്. ഇപ്പോള്‍ തമിഴ് സിനിമയിലാണ് മുരളി കൂടുതലും പ്രവര്‍ത്തിക്കുന്നത്. ഭര്‍ത്താവിനെക്കുറിച്ച് ശിവദ പങ്കുവെച്ച ഒരു കുറിപ്പ് സോഷ്യല്‍ മീഡിയയില്‍ ഏറെ ശ്രദ്ധനേടിയിരുന്നു. സോഷ്യല്‍ മീഡിയയില്‍ മകളെ കുറിച്ചുള്ള വിശേഷങ്ങളും താരം പങ്കുവയ്ക്കാറുണ്ട്. ഇപ്പോഴിതാ താന്‍ അടുത്തില്ലാത്തപ്പോള്‍ മകളെ നോക്കിയ അച്ഛന്‍ എന്ന ക്യാപ്ഷനോടെ താരം പുതിയ ചിത്രം ഷെയര്‍ ചെയ്തിരിക്കുകയാണ്. മകളുടെ പേര് അരുന്ധതി എന്നാണ്.
താരം പങ്കുവച്ച കുറിപ്പ് :
ഡാഡിയുടെ കൊച്ചു പെണ്‍കുട്ടി’ … ഇത് എന്റെ ഗാലറിയില്‍ കണ്ടതാണ്യ അരുന്ധതിക്ക് 3 മാസം പ്രായമുള്ളപ്പോള്‍ ഞങ്ങള്‍ അവളെ പുറത്തുകൊണ്ടുപോയപ്പോള്‍ ഉള്ളത്. ഞാന്‍ഷോപ്പിംഗില്‍ തിരക്കിലായിരുന്നു ,അച്ഛന്‍ എല്ലായ്പ്പോഴും അവളെ നന്നായി പരിപാലിച്ചു. എന്റെ ഏറ്റവും നല്ല സുഹൃത്ത്, ഒരു നല്ല ഭര്‍ത്താവ്, നല്ല പിതാവ് എന്നോടൊപ്പം എല്ലാ നിമിഷത്തിലും ഉണ്ടായിരുന്നതിനും കരുതലിനും സ്‌നേഹത്തിനും നന്ദിയും സ്‌നേഹവും !!!
