ബിഗ് ബോസ് മത്സരാര്‍ത്ഥിയായ രജിത് കുമാര്‍ ഇന്നലെ കൊച്ചി വിമാനത്താവളത്തില്‍ സ്വീകരിക്കാനത്തിയ സംഭവത്തില്‍ വിവാദം ആളിപുകയുന്നു. അദ്ദേഹത്തിനൊപ്പം എയര്‍പോര്‍ട്ടില്‍ സ്വീകരിക്കാന്‍ ബിഗ്‌ബോസ് സീസണ്‍ വണ്ണിലെ മത്സരാര്‍ത്ഥി ഷിയാസ് കരീമും ഉണ്ടായിരുന്നു. ഇപ്പോഴിതാ വിവാദങ്ങള്‍ നിറയുമ്പോള്‍ പ്രതികരണവുമായി ഷിയാസ് ഫേസ്ബുക്ക് ലൈവില്‍ എത്തിയിരിക്കുകയാണ്.ഇന്നലെ സര്‍ക്കാര്‍ നിര്‍ദേശങ്ങള്‍ ലംഘിച്ചതിന് ഷിയാസ് കരീം ഉള്‍പ്പടെയുള്ളവര്‍ക്കെതിരെ പൊലീസ് കേസ് എടുത്തിട്ടുണ്ട്. ഇപ്പോഴിതാ ഫേസ്ബുക്ക് ലൈവിലെത്തി രജിത്ത് ആവശ്യപ്പെട്ടത് പ്രകാരമാണ് താന്‍ വിമാനത്താവളത്തില്‍ പോയതെന്നും, സ്വമേധയാ പോയതല്ലെന്നും ഷിയാസ് തുറന്നു പറയുകയാണ്.
മാത്രമല്ല എയര്‍പോര്‍ട്ടില്‍ തടിച്ചുകൂടിയ ആളുകളെ താന്‍ കൊണ്ടു വന്നതല്ലെന്നും ലോകം മുഴുവന്‍ ജാഗ്രതയോടെ നില്‍ക്കുമ്പോള്‍ താന്‍ അങ്ങനെ ചെയ്യില്ലെന്നും ഷിയാസ് ലൈവിലെത്തി പറഞ്ഞു. ആ സംഭവം കഴിഞ്ഞതിന് പിന്നാലെ രാവിലെ മുതല്‍ ഉള്ള ഫോണ്‍ കോളിനുള്ള മറുപടിയാണ് അറിയിക്കുന്നതെന്നും അദ്ദേഹം പറഞ്ഞു. ആ പാവത്തിന്റെ വാക്ക് കേട്ട് വിളിക്കാന്‍ ചെന്നതാണ് അവിടെ എത്തിയപ്പോള്‍ കണ്ട കാഴ്ച നിങ്ങളെല്ലാവരും കണ്ടതാണ്. അദ്ദേഹത്തെ പിടിച്ച് വലിച്ച് എന്റെ കാറില്‍ കയറ്റിയാണ് കൊണ്ടു വന്നതെന്നും അത്രയധികം ആളുകളാണ് അവിടെ തടിച്ചു കൂടിയതെന്നും ഷിയാസ് കൂട്ടിചേര്‍ത്തു.
