മലയാള സിനിമയിലെ എന്നത്തേയും സൂപ്പര്‍ ഹിറ്റുകള്‍ ഒരുക്കിയ സിദ്ദിഖ്-ലാല്‍ കൂട്ടുകെട്ടിലെത്തിയ ഇൻ ഹരിഹർ നഗർ എന്ന സിനിമയിലെ മീമുകള്‍ സോഷ്യല്‍ മീഡിയയില്‍ വൈറലാണ്. ചിത്രത്തിലെ ശ്രദ്ധേയമായ ഒരു മീമിലെ കഥാപാത്രങ്ങളുടെ ‘കുട്ടിക്കാലം’ ആണ് ഇപ്പോള്‍ വൈറലാകുന്നത്. സിദ്ദിഖും ജഗദീഷും ഈ മീമുകൾ സോഷ്യൽ മീഡിയയിലൂടെ പങ്കുവെച്ചിട്ടുണ്ട്. അടിക്കുറിപ്പോടെ കൂടിയാണ് ഇരുവരും സോഷ്യൽമീഡിയയിൽ ഇത് പങ്കുവച്ചത്.
”ആരാണ് ഇത് ഒരുക്കിയതെന്ന് അറിയില്ല. ബ്രില്യന്റ് ആയ ഈ ചിന്തയ്ക്ക് എന്റെ അഭിനന്ദനങ്ങള്‍” എന്നാണ് സിദ്ദിഖ് മീം പങ്കുവെച്ച് കുറിച്ചിരിക്കുന്നത്. ”ബാല്യകാല സ്മരണകള്‍” എന്ന ക്യാപ്ഷനോടെയാണ് മുകേഷ് മീം പങ്കുവച്ചിരിക്കുന്നത്. സായ്കുമാര്‍ അവതരിപ്പിച്ച ആന്‍ഡ്രൂസ് എന്ന കഥാപാത്രത്തിന്റെ അമ്മയെ പരിചയപ്പെടുമ്പോഴുള്ള രംഗമാണിത്.ഇന്‍ ഹരിഹര്‍ നഗറില്‍ മഹാദേവന്‍, ഗോവിന്ദന്‍ കുട്ടി, അപ്പുക്കുട്ടന്‍, തോമസ് കുട്ടി എന്നീ കഥാപാത്രങ്ങളായാണ് മുകേഷ്, സിദ്ദിഖ്, ജഗദീഷ്, അശോകന്‍ എന്നിവര്‍ വേഷമിട്ടത്.
