സോഷ്യല്‍ മീഡിയയില്‍ സജീവമാണ് ഗായിക അമൃത സുരേഷ്. മകള്‍ക്കും സഹോദരി അഭിരാമിക്കുമൊപ്പമുള്ള വിഡിയോകളും ചിത്രങ്ങളും അമൃത പോസ്റ്റു ചെയ്യാറുണ്ട്. ഇടയ്ക്ക് സൈബര്‍ ആക്രമണത്തിന് ഇരയാകുകയും അതിനെല്ലാം കൃത്യമായ മറുപടിയും താരം നല്‍കാറുണ്ട്. ഇപ്പോഴിതാ താരം പങ്കുവച്ച ഒരു വിഡിയോയും അതിന് നല്‍കിയ ക്യാപ്ഷനുമാണ് ശ്രദ്ധേയമായിരിക്കുന്നത്.
കയ്യില്‍ ഗ്ലാസുമായി ഇരിക്കുന്ന അമൃതയാണ് വിഡിയോയില്‍. ആലിയ ഭട്ടിന്റെ ഗംഗുഭായി കാത്തിയവാഡിയിലെ ഗാനമാണ് പശ്ചാത്തലത്തില്‍. മദ്യപിക്കുകയാണെന്ന് തോന്നുന്ന വിധത്തിലാണ് വിഡിയോ. എന്നാല്‍ ഗ്ലാസിലുള്ളത് കട്ടന്‍ ചായയാണെന്നാണ് താരം പറയുന്നത്. താന്‍ കുടിക്കുന്നതിന്റെ ബ്രാന്‍ഡ് ചോദിച്ച് ആരും വരേണ്ടതില്ലെന്നും താരം പറയുന്നു.
‘ആളുകള്‍ നിങ്ങളെ വെറുക്കും, തകര്‍ക്കും, വിലയിരുത്തും, എന്നാല്‍ നിങ്ങള്‍ എങ്ങനെ നിലനില്‍ക്കുന്നു എന്നതാണ് യഥാര്‍ത്ഥ നിങ്ങളെ സൃഷ്ടിക്കുന്നതെന്നും അമൃത പറഞ്ഞു. അമൃതയുടെ ക്യാപ്ഷനും വിഡിയോയും വൈറലായിരിക്കുകയാണ്.
View this post on Instagram
