മലയാള സംഗീത ലോകം കണ്ട എണ്ണമറ്റ ഗായകരിലെ മികച്ച ഒരു പാട്ടുകാരി തന്നെയാണ് മഞ്ജരി എന്ന് നിസംശയം പറയാം. സത്യന്‍ അന്തിക്കാട് സംവിധാനം അച്ചുവിന്റെ അമ്മ എന്ന ചിത്രത്തിലെ ‘താമരക്കുരുവിക്ക് തട്ടമിട്’ എന്ന ആദ്യ ഗാനത്തിലൂടെ തന്നെ മഞ്ജരിക്ക് മലയാളികളുടെ മനസില്‍ സ്ഥാനം നേടാനായി. പാടിയ പാട്ടുകളില്‍ ഒട്ടുമിക്കതും ഹിറ്റ്. മലയാളത്തിലെ ഏറ്റവും സീനിയറായ എല്ലാ സംഗീത സംവിധായകര്‍ക്കൊപ്പവും ചെറിയ പ്രായത്തിലേ പാടാന്‍ അവസരം ലഭിച്ചിട്ടുണ്ട് മഞ്ജരിക്ക്. സിനിമാ പിന്നണി ഗായിക എന്നതിലുപരി മികച്ച ഒരു ഗസല്‍ ഗായിക കൂടിയാണ് മഞ്ജരി.
ഇപ്പോഴിതാ ഗുരുവായൂര്‍ക്ഷേത്രദര്‍ശനം നടത്തിയ ചിത്രങ്ങള്‍ സോഷ്യല്‍ മീഡിയയില്‍ പങ്കുവെച്ചിരിക്കുകയാണ് മഞ്ജരി. രാധതന്‍ പ്രേമത്തോടാണോ കൃഷ്ണ ഞാന്‍ പാടും ഗീതത്തോടാണോ എന്ന അടിക്കുറിപ്പോടെയാണ് നടയില്‍ തൊഴുത് പ്രാര്‍ത്ഥിക്കുന്ന ചിത്രങ്ങള്‍ മഞ്ജരി പങ്കു വെച്ചിരിക്കുന്നത്.
View this post on Instagram
2005ല്‍ ഏറ്റവും നല്ല ഗായികയ്ക്കുള്ള കേരള സര്‍ക്കാറിന്റെ അവാര്‍ഡ് കരസ്ഥമാക്കിയിട്ടുണ്ട്. കൂടാതെ ഏറ്റവും നല്ല ഗായികയ്ക്കുള്ള ഏഷ്യാനെറ്റിന്റെ അവാര്‍ഡ് രണ്ടുതവണയും നേടിയിട്ടുണ്ട്. 1986-ല്‍ തിരുവനന്തപുരത്താണു മഞ്ജരി ജനിച്ചത്. പക്ഷേ, വളര്‍ന്നത് മസ്‌കറ്റിലാണ്. നിരവധി ആല്‍ബങ്ങളിലും മഞ്ജരി പാടിയിട്ടുണ്ട്. ഗായികയെന്നതിലുപരി അഭിനയത്തിലും ഒരു കൈ നോക്കിയിട്ടുണ്ട് മഞ്ജരി. ജയസൂര്യ നായകനായ വി.കെ. പ്രകാശ് സംവിധാനം ചെയ്ത പോസിറ്റീവ് എന്ന സിനിമയിലാണ് ആദ്യം അഭിനയിക്കുന്നത്. സിദ്ധാര്‍ത്ഥ് ശിവ സംവിധാനം ചെയ്ത വര്‍ത്തമാനം എന്ന സിനിമയിലും മഞ്ജരി അഭിനയിച്ചിട്ടുണ്ട്.
