ദൃശ്യം മോഡൽ കൊലപാതകത്തിനോട് സാമ്യമുള്ള നിരവധി കേസുകൾ രാജ്യമെമ്പാടും റിപ്പോർട്ട് ചെയ്യപ്പെട്ടിട്ടുണ്ടെങ്കിലും അതിനോട് ഏറ്റവുമധികം സാമ്യം ചെലുത്തുന്ന ഒരു കേസ് ഇപ്പോൾ റിപ്പോർട്ട് ചെയ്യപ്പെട്ടിരിക്കുകയാണ്. ഗുജറാത്തിലെ സൂറത്തിലെ ഖത്തോദര പൊലീസ് സ്റ്റേഷന്റെ ഉള്ളിൽ നിന്നാണ് വർഷങ്ങൾ പഴക്കമുള്ള അസ്ഥികൂടം കിട്ടിയിരിക്കുന്നത്. പൊലീസ് സ്റ്റേഷനിൽ വളപ്പിൽ പിടിച്ചിട്ടിരുന്ന വാഹനങ്ങൾ നീക്കുന്നതിന് ഇടയിലാണ് അസ്ഥികൂടം കണ്ടെത്തുന്നത്. തലയോട്ടിയും അരയ്ക്ക് കീഴ്പ്പോട്ടുള്ള ഭാഗങ്ങളുടേയും ശേഷിപ്പുകളാണ് കണ്ടെത്തിയിരിക്കുന്നത്. സ്ത്രീയുടേതാണോ പുരുഷൻന്റേതാണോ എന്ന കാര്യം സ്ഥിരീകരിച്ചിട്ടില്ല. ചില ഭാഗങ്ങൾ കണ്ടെത്താനാകാത്തതും പൊലീസിന് വലയ്ക്കുന്നുണ്ട്.
ഈ വാർത്ത കേട്ട് മലയാളികൾ ഒന്നടങ്കം ദൃശ്യത്തെ കുറിച്ച് തന്നെയാണ് പറയുന്നത്. “എന്നാലും എൻ്റെ ജോർജ് കുട്ടി ,ആ ചെറുക്കനെ തൊടുപുഴേന്ന് ഗുജറാത്തിൽ കൊണ്ട് പോയി കുഴിച്ചിട്ട് കളഞ്ഞല്ലോ” എന്നെല്ലാമാണ് കമന്റുകൾ.
