സിജു വില്സണിനെ നായകനാക്കി വിനയന് സംവിധാനം ചെയ്യുന്ന പത്തൊന്പതാം നൂറ്റാണ്ട് എന്ന ചിത്രത്തിലെ ഗാനം പുറത്തിറങ്ങി. ടിപ്സ് മലയാളം എന്ന യൂട്യൂബ് ചാനലിലൂടെയാണ് ഗാനം പുറത്തിറക്കിയത്. റഫീഖ് അഹമ്മദിന്റെ വരികള്ക്ക് സംഗീതം പകര്ന്നിരിക്കുന്നത് എം. ജയചന്ദ്രനാണ്. സയനോര ഫിലിപ്പാണ് ഗാനം ആലപിച്ചിരിക്കുന്നത്.
വേലായുധ പണിക്കര് എന്ന കഥാപാത്രത്തെയാണ് സിജു വില്സണ് അവതരിപ്പിക്കുന്നത്. ചിത്രത്തിന്റെ ടീസറിനും ട്രെയിലറിനും മികച്ച പ്രതികരണമാണ് ലഭിച്ചിരിക്കുന്നത്. കയാദുവാണ് ചിത്രത്തിലെ മറ്റൊരു കേന്ദ്രകഥാപാത്രത്തെ അവതരിപ്പിച്ചിക്കുന്നത്. സുരേഷ് കൃഷ്ണ, ടിനി ടോം, ഇന്ദ്രന്സ്, അലന്സിയര്, രാഘവന്, ജാഫര് ഇടുക്കി, ചാലി പാല, ദീപ്തി സതി, പൂനം ബജ് വ, രേണു സൗന്ദര്, വര്ഷ വിശ്വനാഥ്, നിയ തുടങ്ങി വന് താരനിരയാണ് ചിത്രത്തില് അണിനിരക്കുന്നത്. നൂറിലധികം ജൂനിയര് ആര്ട്ടിസ്റ്റുകളും ചിത്രത്തിലുണ്ട്.
ഷാജികുമാറാണ് ചിത്രത്തിന്റെ ഛായാഗ്രഹണം നിര്വഹിക്കുന്നത്. റഫീഖ് അഹമ്മദിന്റെ വരികള്ക്ക് എം. ജയചന്ദ്രനാണ് സംഗീതം പകരുന്നത്. സന്തോഷ് നാരായണനാണ് പശ്ചാത്തല സംഗീതം. ഗോകുലം ഗോപാലനാണ് ചിത്രം നിര്മിച്ചിരിക്കുന്നത്. സെപ്റ്റംബര് എട്ട് ഓണം തിരുവോണ ദിനത്തിലാണ് ചിത്രം പ്രേക്ഷകരിലേക്ക് എത്തുന്നത്.