സൂര്യ നായകനാകുന്ന സൂരറായി പോട്രു കഴിഞ്ഞ ദിവസം രാത്രി ആമസോൺ പ്രൈം വഴി റിലീസായി. മലയാളിയായ അപർണ ബാലമുരളി നായികയാകുന്ന ചിത്രത്തിന്റെ സംഗീതം ജി വി പ്രകാശ് കുമാറാണ്. നികേത് ബൊമ്മി ചായാഗ്രഹണം നിർവഹിക്കുന്നു. എം മോഹൻ ബാബു, പരേഷ് റാവൽ, ഉർവശി, കരുണാസ്, വിവേക് പ്രസന്ന, കൃഷ്ണ കുമാർ, കാലി വെങ്കട്ട് എന്നിവരും ചിത്രത്തിൽ അഭിനയിക്കുന്നുണ്ട്. ചിത്രത്തിന് അതിഗംഭീര റിപ്പോർട്ടുകൾ ആണ് ലഭിക്കുന്നത്. ചിത്രത്തിലെ ക്ലൈമാക്സ് രംഗത്ത് വരുന്ന പൈലറ്റായ പെൺകുട്ടി ആരാണെന്ന് കണ്ടു പിടിച്ചിരിക്കുകയാണ് സോഷ്യൽ മീഡിയ ഇപ്പോൾ.
വർഷ എന്ന പെണ്കുട്ടിയാണ് ഇപ്പോൾ സോഷ്യൽ മീഡിയയുടെ മനം കവരുന്നത്. ഇൻഡിഗോയിൽ യഥാർത്ഥ പൈലറ്റായ വർഷയ്ക്ക് ആകസ്മികമായാണ് ചിത്രത്തിൽ അഭിനയിക്കാൻ അവസരം ലഭിക്കുന്നത്. അത് വർഷയ്ക്ക് അനുഗ്രഹവുമായി. വിവാഹിതയായ വർഷയുടെ ഭർത്താവിന്റെ പേര് ലോകേഷ് എന്നാണ്.
