ബി.സി.സി.ഐ പ്രസിഡന്റും മുന്‍ ഇന്ത്യന്‍ ക്രിക്കറ്റ് ക്യാപ്റ്റനുമായ സൗരവ് ഗാംഗുലിക്ക് ഹൃദയാഘാതം ഉണ്ടായതിനെത്തുടര്‍ന്ന് പരസ്യം പിന്‍വലിച്ച് ഫോര്‍ച്യൂണ്‍ റൈസ് ബ്രാന്‍ ഓയില്‍. സൗരവ് ഗാംഗുലിയായിരുന്നു പരസ്യത്തില്‍ അഭിനയിച്ചിരുന്നത്. ഹൃദയാരോഗ്യത്തിന് ഫോര്‍ച്യൂണ്‍ റൈസ് ബ്രാന്‍ ഓയില്‍ ഉപയോഗിച്ചാല്‍ മതിയെന്നായിരുന്നു പരസ്യം.
എന്നാല്‍ ഹൃദയാഘാതത്തെ തുടര്‍ന്ന് ഗാംഗുലിയെ ആശുപത്രിയില്‍ പ്രവേശിപ്പിച്ചതിനെ തുടര്‍ന്ന് സോഷ്യല്‍ മീഡിയയില്‍ ഫോര്‍ച്യൂണ്‍ റൈസ് ബ്രാന്‍ ഓയിലിനെ പരിഹസിച്ച് വിമര്‍ശനവും പരിഹാസവും ഉയര്‍ന്നിരുന്നു. തുടര്‍ന്ന് പരസ്യം പിന്‍വലിക്കുകയായിരുന്നു.
സൗരവ് ഗാംഗുലിയെ കഴിഞ്ഞ ദിവസം ആന്‍ജിയോപ്ലാസ്റ്റിക് വിധേയനാക്കിയിരുന്നു. ആരോഗ്യനില വീണ്ടെടുത്തുവെന്നാണ് ആശുപത്രി അധികൃതര്‍ നല്‍കിയ വിവരം.
