നർത്തകിയും ടിക് ടോക് സെലിബ്രിറ്റിയുമായ സൗഭാഗ്യ വെങ്കടേഷ് തന്റെ വിവാഹ സൂചനകൾ പങ്ക് വെച്ചിരിക്കുന്ന വാർത്തകൾ ഏറ്റെടുത്ത് ആരാധകർ. നർത്തകനും ടാറ്റൂ ആർട്ടിസ്റ്റുമായ അർജുൻ സോമശേഖറുമൊത്തുള്ള ഫോട്ടോസും വീഡിയോകളും സോഷ്യൽ മീഡിയയിൽ ഏറെ ശ്രദ്ധേയമാണ്. കഴിഞ്ഞ ദിവസം ശ്രീ പദ്മനാഭസ്വാമി ക്ഷേത്രത്തിനു മുന്നില്‍ ഇരുവരും നില്‍ക്കുന്ന ചിത്രമാണ് ചർച്ചയായത്. നർത്തകിയുടെ വേഷത്തിലായിരുന്നു സൗഭാഗ്യ. ‘എത്ര കടപ്പെട്ടിരിക്കുന്നു ഞാന്‍.. എനിക്കുമൊരു അമൂല്യരത്‌നം കിട്ടി’ എന്ന കുറിപ്പോടെയാണ് സൗഭാഗ്യ ചിത്രം പങ്കുവച്ചിരിക്കുന്നത്.
പ്രശസ്ത നടിയും നര്‍ത്തകിയുമായ താര കല്യാണിന്റെ മകളാണ് സൗഭാഗ്യ വെങ്കിടേഷ്. മകൾക്കൊപ്പം നൃത്തം ചെയ്തും, ഡബ്‌സ്മാഷ് ചെയ്തും താര കല്യാണും സമൂഹ മാധ്യമങ്ങളിൽ സജീവമാണ്. മുത്തശ്ശി സുബ്ബലക്ഷ്മിയേയും മലയാളികൾക്ക് ഏറെ പരിചയമുള്ള വ്യക്തിയാണ്. കല്യാണരാമൻ, നന്ദനം, പാണ്ടിപ്പട തുടങ്ങി നിരവധി ചിത്രങ്ങളിൽ അഭിനയിച്ചിട്ടുള്ള സുബ്ബലക്ഷ്‌മി ഒരു കർണാടിക് സംഗീതജ്ഞ കൂടിയാണ്.
