പുതിയ നൃത്തവുമായി തന്റേ ആരാധകർക്ക് മുമ്പിൽ എത്തിയിരിക്കുകയാണ് ഈ എയർഹോസ്റ്റസ്. നേരത്തെ, എ ആർ റഹ്മാന്റെ പ്രശസ്തമായ ‘ടേക്ക് ഇറ്റ് ഈസി ഉർവ്വശി’യിലും സാറ അലി ഖാന്റെ ഏറ്റവും പുതിയ ഡാൻസ് നമ്പറായ ‘ചക ചക’യിലും നൃത്തം ചെയ്ത നേരത്തെ വൈറലായിട്ടുണ്ട് ഉമ മീനാക്ഷിയെന്ന ഈ എയർഹോസ്റ്റസ്. ഇപ്പോൾ ഇതാ, പുഷ്പയിലെ ഗാനത്തിന് ഫ്ലൈറ്റിൽ വെച്ച് തന്നെ ചുവടു വെച്ചിരിക്കുകയാണ് താരം. സ്ലിപ്പറിന് പകരം ഷൂ ആണ് ഉമ ‘ശ്രീവല്ലി’ ഗാനത്തിന് ചുവടു വെക്കാൻ ഉപയോഗിച്ചത്.
അതേസമയം, ഗ്രൗണ്ടിൽ വെച്ച് തന്നെ വിമാനത്തിൽ യാത്രക്കാർ ഇല്ലാത്ത സമയത്താണ് താൻ വീഡിയോ ഷൂട്ട് ചെയ്തതെന്ന് ഉമ വ്യക്തമാക്കുന്നു. വീഡിയോ ഷൂട്ട് ചെയ്യുന്നതിന് മുമ്പ് പെർമിഷൻ എടുത്തിരുന്നെന്നും ഉമ ഇൻസ്റ്റഗ്രാമിൽ ഷെയർ ചെയ്ത വീഡിയോയുടെ ഒപ്പം പങ്കുവെച്ച കുറിപ്പിൽ എഴുതി. സുരക്ഷാ നിർദ്ദേശങ്ങൾ എല്ലാം പാലിച്ചിരുന്നെന്നും ട്രെൻഡിനൊപ്പം പറക്കുകയാണെന്നും ഉമ ഇൻസ്റ്റഗ്രാമിൽ കുറിച്ചു. നേരത്തെയും വിമാനത്തിനുള്ളിൽ നിന്ന് നിരവധി വീഡിയോകളാണ് ഉമ ചെയ്തിട്ടുള്ളത്.
ഏതായാലും ഉമയുടെ പുതിയ ഡാൻസും ആരാധകർ ഇരുകൈയും നീട്ടി സ്വീകരിച്ചു. അല്ലു അർജുൻ നായകനായി എത്തിയ ‘പുഷ്പ’യിലെ ശ്രീവല്ലി ഗാനത്തിന് ചുവടുവെച്ച് നിരവധി പേരാണ് ഇതുവരെ വീഡിയോകൾ ചെയ്തിരിക്കുന്നത്.
View this post on Instagram
