സോഷ്യൽ മീഡിയയിലെ ഇടപെടലുകളിലൂടെ വാർത്തയിൽ ഇടം നേടിയ തെലുങ്ക് സിനിമാ നടിയും ടെലിവിഷന്‍ അവതാരകയുമായ ശ്രീ റെഡ്ഡി, സെല്‍വരാഘവന്‍റെ പുതിയ ചിത്രം എന്‍ ജി കെയെക്കുറിച്ച് എഴുതിയ പോസ്റ്റ് പുതിയ വിവാദങ്ങൾക്ക് വഴി തെളിയിച്ചിരിക്കുകയാണ്.തെന്നിന്ത്യന്‍ സിനിമയില്‍ നടിമാര്‍ക്കെതിരെയുള്ള ലൈംഗിക ചൂഷണത്തിനെതിരെ ഹൈദരാബാദ് ഫിലിം ചേംബറിന് മുമ്പില്‍ അര്‍ധ നഗ്നയായി താരം പ്രതിഷേധിച്ചിരുന്നു. എൻ ജി കെ എന്ന ചിത്രത്തിൽ സൂര്യയുടെ നായികയായി എത്തുന്നത് സായിപല്ലവിയും രാകുൽ പ്രീതുമാണ്. ചിത്രത്തിൽ രാകുൽ പ്രീതിന്റെ അഭിനയം വളരെ മോശമാണെന്നും സായി പല്ലവിയുടെ പ്രകടനം മികച്ചതാണെന്നും ശ്രീ റെഡ്ഡി തന്റെ പോസ്റ്റിൽ കുറിച്ചു. രാകുലിന്‍റെ അഭിനയം കണ്ടപ്പോള്‍ തനിക്ക് ഛര്‍ദ്ദിക്കാൻ തോന്നിയെന്നാണ് താരം പോസ്റ്റിൽ പറഞ്ഞിരിക്കുന്നത്.
സായി തന്റെ റൗഡി ബേബി ആണെന്നും താരം പറയുന്നുണ്ട്. എന്നാൽ പോസ്റ്റിൽ താരം ചിത്രത്തിന്റെ പേര് തെറ്റായാണ് കുറിച്ചിരിക്കുന്നത്. അതിനെതിരെയും വിമർശനങ്ങൾ ഉയർന്നു വരുന്നുണ്ട്. എൻ ജി കെ എന്നതിന് പകരം വൈ ജികെ എന്നാണ് നടി കുറിച്ചിരിക്കുന്നത്.ഇതോടെ താരം ചിത്രം കാണാതെയാണ് രാകുൽ പ്രീതിനെ വിമർശിക്കുന്നതെന്നും ചിലർ അഭിപ്രായപ്പെടുന്നു. താരം ഇതിനുമുൻപും രാകുല്‍ പ്രീത് സിംഗ് ഉള്‍പ്പെടെ തെലുങ്കിലെയും തമിഴിലെയും പ്രമുഖ അഭിനേതാക്കള്‍ക്കെതിരെ രംഗത്ത് വന്നിട്ടുണ്ട്.
