നടി ആക്രമിക്കപ്പെട്ട കേസുമായി ബന്ധപ്പെട്ട നടൻ ദിലീപിന് എതിരെ വീണ്ടും അന്വേഷണം പുരോഗമിക്കുകയാണ്. ഇതിനിടയിൽ ദിലീപിന് അനുകൂലവും പ്രതികൂലവുമായി നിരവധി വാദങ്ങൾ ആണ് ഉയരുന്നത്. ദിലീപിന് പരസ്യപിന്തുണ പ്രഖ്യാപിച്ചും നിരവധിയാളുകൾ രംഗത്തെത്തിയിട്ടുണ്ട്. ഇതിനിടയിലാണ് അഡ്വക്കേറ്റ് ശ്രീജിത്ത് പെരുമനയുടെ ഫേസ്ബുക്ക് പോസ്റ്റ് വൈറലാകുന്നത്. ഡയാന രാജകുമാരി സഞ്ചരിച്ച കാർ ഒരു തൂണിലിടിച്ചാണ് അവർ മരിച്ചതെന്നും ആ സംഭവത്തിൽ ദിലീപിന്റെ ഗൂഡാലോചന അന്വേഷിക്കാൻ കേരള പൊലിസ് ഇന്റെർപോളിന്റെ സഹായം തേടിയെന്നും ഒക്കെയാണ് പോസ്റ്റ്.
ശ്രീജിത്ത് പെരുമന ഫേസ്ബുക്കിൽ കുറിച്ചത് ഇങ്ങനെ, ‘ഡയാന രാജകുമാരി സഞ്ചരിച്ച കാർ ഒരു തൂണിലിടിച്ചാണ് അവർ മരിച്ചത് സംഭവത്തിൽ ദിലീപിന്റെ ഗൂഡാലോചന അന്വേഷിക്കാൻ കേരള പോലിസ് ഇന്റെർപോളിന്റെ സഹായം തേടി. കൂടാതെ കീരി കാടൻ ജോസിനെ . സേതുമാധവൻ തല്ലി കൊന്നതും.. ടI സോമശേഖരനെ ,ആട് തോമ ഇടിച്ച് പൊട്ട കിണട്ടിലിട്ടതും. നാട്ടിലിറങ്ങിയവരയൻ കടുവയെ . പുലിമുരുകൻ കുന്തമെറിഞ്ഞ് കൊന്നതും ദിലീപ് പറഞ്ഞിട്ടാണ് എന്ന് സംശയിക്കുന്നു. കൊടകര സലീഷ് സ്ഥിരമായി കാറിൽ പോകുന്ന വഴിയിൽ സലീഷ് അറിയാതെ ദിലീപ് തൂണുകൾ സ്ഥാപിക്കുകയായിരുന്നു, അങ്ങനെ ദിലീപിന്റെ മറ്റൊരു ചതിയുടെ കഥ കൂടിയാണ് വെളിയിൽ വന്നിരിക്കുന്നത്.’
കൊച്ചിയിൽ നടി ആക്രമിക്കപ്പെട്ട സംഭവവുമായി ബന്ധപ്പെട്ട് ദിലീപിന് എതിര കേസ് നടക്കുന്ന സാഹചര്യത്തിലാണ് ഇപ്പോൾ വാഹന അപകടവുമായി ബന്ധപ്പെട്ട് ദിലീപിന് എതിരം ആരോപണം ഉയർന്നിരിക്കുന്നത്. ഇതിന്റെ പശ്ചാത്തലത്തിലാണ് ഹൈക്കോടതി അഭിഭാഷകൻ സോഷ്യൽ മീഡിയയിൽ ഈ പോസ്റ്റ് പങ്കുവെച്ചിരിക്കുന്നതും.
