ചെറുതും വലുതുമായ നിരവധി വേഷങ്ങളിലൂടെ മലയാളികളുടെ പ്രിയപ്പെട്ടവളായി മാറിയ താരമാണ് ശ്രിന്ദ. സോഷ്യൽ മീഡിയയിൽ ഏറെ സജീവമായ താരം കഴിഞ്ഞദിവസം പങ്കുവെച്ച ചിത്രം ഏറ്റെടുത്തിരിക്കുകയാണ് സോഷ്യൽ മീഡിയ. നല്ല ഡ്രെസ്സ് ധരിച്ച് ഒരുങ്ങി ഇറങ്ങി, പക്ഷെ എവിടെ പോകാൻ ? എന്ന ക്യാപ്‌ഷനോട് കൂടിയാണ് ശ്രിന്ദ ചിത്രം പങ്കുവെച്ചത്.
നേരത്തെ ശ്രിന്ദ പങ്കുവച്ച ചില ചിത്രങ്ങളിൽ താരത്തിന് മോശം കമന്റുകൾ നേരിടേണ്ടിവന്നു. താരത്തിന്റെ വസ്ത്രധാരണത്തെ പറ്റി ആയിരുന്നു കമന്റുകൾ എത്തിയിരുന്നത്. അതിനു മറുപടിയും നൽകിയിരിക്കുന്നു താരം.
“ഇത് ശരിയല്ല. ഇതുപോലെ സംസാരിക്കുന്നത് ശരിയല്ല. ഞാന്‍ എന്ത് ധരിക്കണമെന്നുള്ളത് എന്റെ തീരുമാനമാണ്. എന്റെ പ്രൊഫെെലില്‍ മോശം ഭാഷയിലൂടെ സംസാരിക്കുന്നതും അശ്ലീലത പ്രചരിപ്പിക്കുന്നതും നിങ്ങളാണ്. ഇത് ഇനിയൊട്ടും സഹിക്കാനാകില്ല. ഇത് അവസാനിപ്പിച്ചേ മതിയാകൂ, ക്രിയാത്മകതയും അഭിപ്രായവും നിലപാടുകളും അറിവുമെല്ലാം പങ്കുവെയ്ക്കാനുള്ള ഇടമാണ് സോഷ്യല്‍ മീഡിയ. എന്നാല്‍ കുറേ ആളുകള്‍ വെറുപ്പും നെഗറ്റിവിറ്റിയും പ്രചരിപ്പിക്കുന്നു.
പൊതുവെ ഇത്തരം സംഭവങ്ങളോട് പ്രതികരിക്കാന്‍ പോകാറില്ല, പക്ഷെ ഇത്തവണ പ്രതികരിക്കാന്‍ കാരണം മോശം കമന്റ് ചെയ്തയാളൊരു കുട്ടിയാണെന്നതിനാലായിരുന്നു.ഇത്തരം പ്രതികരണങ്ങൾ അവസാനിപ്പിച്ച മതിയാകു “ശ്രിന്ദ പറയുന്നു
