പൃഥ്വിരാജ് ആദ്യമായി സംവിധാനം ചെയ്ത ലൂസിഫർ വലിയ വിജയത്തിന്റെ നെറുകയിലാണ്‌ ഇപ്പോൾ. ചിത്രം 200 കോടി കളക്ഷൻ നേടി മലയാള സിനിമയുടെ ഇൻഡസ്ട്രിയൽ ഹിറ്റ് ആയി മാറിക്കഴിഞ്ഞു.ചിത്രം ആമസോൺ പ്രൈമിൽ റിലീസ് ചെയ്തപ്പോളും വലിയ രീതിയിലുള്ള പ്രേക്ഷക പങ്കാളിത്തം ലഭിക്കുകയുണ്ടായി.ചിത്രത്തിന്റെ രണ്ടാം ഭാഗമായ എമ്പുരാൻ നേരത്തെ പ്രഖ്യാപിക്കുകയുണ്ടായി.ലൂസിഫറിലെ ഏറ്റവും വലിയ പ്രത്യേകതകളിൽ ഒന്ന് ചിത്രത്തിന്റെ സംഘട്ടന രംഗങ്ങൾ ആയിരുന്നു.സ്റ്റണ്ട് സിൽവ ഒരുക്കിയ സംഘട്ടന രംഗങ്ങൾ ആരെയും കോരിത്തരിപ്പിക്കുന്ന ഒന്നായിരുന്നു.
ഇപ്പോൾ മോഹൻലാൽ അഭിനയിച്ചു കൊണ്ടിരിക്കുന്നത് ബിഗ് ബ്രദർ എന്ന ചിത്രത്തിലാണ്.മോഹന്‍ലാലിനെ നായകനാക്കി സിദ്ദിഖ് സംവിധാനം ചെയ്യുന്ന ചിത്രമാണ് ‘ബിഗ് ബ്രദര്‍’.ലേഡീസ് ആന്‍ഡ് ജെന്റില്‍മാന്‍ എന്ന ചിത്രത്തിന് ശേഷം മോഹന്‍ലാലും സിദ്ദിഖും വീണ്ടും ഒന്നിക്കുന്ന ചിത്രമെന്ന പ്രത്യേകതയും ‘ബിഗ് ബ്രദറി’നുണ്ട്. ചിത്രത്തിൽ സച്ചിദാനന്ദൻ എന്ന കഥാപാത്രത്തെയാണ് മോഹൻലാൽ അവതരിപ്പിക്കുന്നത്.ചിത്രത്തിന്റെ സംഘട്ടന രംഗങ്ങൾ ഒരുക്കുന്നതും സ്റ്റണ്ട് സിൽവ തന്നെയാണ്.ലൂസിഫറിന് ശേഷം സിൽവയും ലാലേട്ടനും ഒന്നിക്കുന്ന ചിത്രമെന്ന നിലയിൽ ഏറെ പ്രതീക്ഷയാണ് പ്രേക്ഷകർക്ക് ചിത്രത്തിൽ ഉള്ളത്.
