ജയറാം നായകനായെത്തിയ ‘ആദ്യത്തെ കണ്‍മണി’യിലെ നായികയെ ആരും മറക്കാനിടയില്ല. രാജസേനന്‍ സംവിധാനം ചെയ്ത ഈ ചിത്രം 1995ലാണ് തീയറ്ററിലെത്തിയത്. കന്നഡ താരം സുധ റാണിയായിരുന്നു ചിത്രത്തിലെ നായിക. ഒറ്റ ചിത്രത്തിലൂടെ മലയാളി പ്രേക്ഷകരുടെ പ്രിയങ്കരിയായി മാറിയ സുധ റാണി അതിനു ശേഷം സിനിമകളൊന്നും ചെയ്തില്ല. അതേ സമയം മിനിസ്‌ക്രീനില്‍ സുധ സജീവമായിരുന്നു. ഇപ്പോഴിതാ, താരത്തിന്റെ ഏറ്റവും പുതിയ ചിത്രങ്ങള്‍ സോഷ്യല്‍ മീഡിയയില്‍ വൈറലാണ്.
കന്നഡ സിനിമകളിലൂടെയാണ് താരം ഏറെ ശ്രദ്ധിക്കപ്പെട്ടത്. രണ്ട് വട്ടം മികച്ച നടിക്കുള്ള കര്‍ണ്ണാടക സംസ്ഥാന ചലച്ചിത്ര പുരസ്‌കാരം സുധ നേടിയിരുന്നു. ജയശ്രീ എന്നായിരുന്നു പേര്. സിനിമയില്‍ എത്തിയതോടെ സുധ എന്നാക്കി. 1978-1982 കാലത്ത് കന്നഡയിലെ അറിയപ്പെടുന്ന ബാലതാരമായിരുന്ന സുധ, 13-ാം വയസില്‍ നായികയായി അരങ്ങേറ്റം കുറിച്ചു. ആദ്യ ചിത്രം സൂപ്പര്‍ ഹിറ്റായി. പത്ത് വര്‍ഷം കന്നഡയിലെ സൂപ്പര്‍ നായികയായിരുന്നു സുധ.
ആദ്യത്തെ കണ്മണിയിലെ അഭിനയത്തിനു ശേഷം സുധ വിവാഹിതയായി. ഡോക്ടര്‍ സഞ്ജയെ ആണ് വിവാഹം കഴിച്ചത്. ഭര്‍ത്താവ്. എന്നാല്‍ അധികം വൈകാതെ വിവാഹ മോചനം നേടിയ സുധ 2000ല്‍ ബന്ധുവായ ഗോവര്‍ധനെ വിവാഹം കഴിച്ചു. ഈ ബന്ധത്തില്‍ ഒരു മകളുണ്ട്. ഇവരുടെ കുടുംബ ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറല്‍.
View this post on Instagram
