മീര നായർ, തബു, ഇഷാൻ ഖട്ടെർ എന്നിവരെ പ്രധാന കഥാപാത്രങ്ങളാക്കി ഒരുക്കുന്ന ടിവി സീരിസ് ‘എ സ്യൂട്ടബിൾ ബോയ്’ ട്രെയിലർ എത്തി. നെറ്റ്ഫ്ലിക്സിലൂടെ റിലീസ് ചെയ്യുന്ന ഈ സീരീസ് വിക്രം സേത്തിന്റെ എ സ്യൂട്ടബിൾ ബോയ് എന്ന നോവലിനെ ആസ്പദമാക്കിയുള്ളതാണ്. ഒക്ടോബർ 23നാണ് ആദ്യ എപ്പിസോഡ് പുറത്തിറങ്ങുന്നത്.
മാൻ കപൂർ എന്ന കഥാപാത്രമായി ഇഷാനും സയീദ ഭായിയായി തബുവും എത്തുന്ന സീരീസിൽ സ്വാതന്ത്ര്യത്തിനു മുമ്പുള്ള നാല് കുടുംബങ്ങളുടെ കഥയാണ് പറയുന്നത്. 24കാരനായ മാനും 48കാരിയായ സയീദയും തമ്മിലുള്ള പ്രണയവും സിനിമയുടെ പ്രധാന വിഷയമാണ്. ഇംഗ്ലീഷിലാണ് സീരീസ് പുറത്തിറങ്ങുന്നത്.
