സണ്ണി വെയിൻ നായകനാകുന്ന ഏറ്റവും പുതിയ ചിത്രമായ ‘അപ്പൻ’ ഒഫീഷ്യൽ ട്രയിലർ പുറത്തിറങ്ങി. സൈന മൂവീസിന്റെ യുട്യൂബ് പേജിലൂടെയാണ് ട്രയിലർ റിലീസ് ചെയ്തത്. ഡാർക്ക് കോമഡി ഗണത്തിൽപ്പെടുന്ന ചിത്രമാണ് ‘അപ്പൻ’ എന്നാണ് ട്രയിലറിൽ നിന്ന് മനസ്സിലാകുന്നത്. സണ്ണി വെയിൻ വ്യത്യസ്ത ഗെറ്റപ്പിൽ എത്തുന്ന ചിത്രം പ്രതീക്ഷ നൽകുന്നതാണെന്നാണ് ട്രയിലറിൽ നിന്ന് വ്യക്തമാകുന്നത്.
‘അപ്പൻ’ സംവിധാനം ചെയ്യുന്നത് മജുവാണ്. തൊടുപുഴയിൽ ചിത്രീകരണം പൂർത്തിയായ ചിത്രത്തിൽ അലൻസിയർ, അനന്യ, ഗ്രേസ് ആന്റണി, പോളി വത്സൻ, രാധിക രാധാകൃഷ്ണൻ, അനിൽ കെ ശിവറാം, വിജിലേഷ്, ഉണ്ണി രാജ, ദ്രുപദ് കൃഷ്ണ എന്നിവർ പ്രധാന വേഷങ്ങളിൽ അഭിനയിക്കുന്നു. ‘വെള്ളം’ ചിത്രത്തിന്റെ പ്രൊഡ്യൂസർമാരായ ജോസ് കുട്ടി മഠത്തിൽ, രഞ്ജിത്ത് മണബ്രക്കാട്ട് എന്നിവർ ചേർന്ന് ടൈനി ഹാൻഡ്സ് പ്രൊഡക്ഷൻസിന്റെ ബാനറിൽ സണ്ണി വെയിൻ പ്രൊഡക്ഷൻസുമായി ചേർന്നാണ് ചിത്രം നിർമ്മിക്കുന്നത്.
മജുവും ആർ. ജയകുമാറും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഛായാഗ്രഹണം – പപ്പു. എഡിറ്റർ – കിരൺ ദാസ്, സംഗീതം – ഡോൺ വിൻസെന്റ്, ഗാനരചന – അൻവർ അലി, സിങ്ക് സൗണ്ട് – ലെനിൻ വലപ്പാട്, സൗണ്ട് ഡിസൈൻ – വിക്കി, കിഷൻ. എക്സിക്യൂട്ടീവ് പ്രൊഡ്യൂസർ – ദീപു ജി പണിക്കർ, മേക്കപ്പ് – റോണെക്സ് സേവ്യർ, ആർട്ട് – കൃപേഷ് അയ്യപ്പൻകുട്ടി, കോസ്റ്റ്യൂം – സുജിത്ത് മട്ടന്നൂർ, പ്രൊഡക്ഷൻ കൺട്രോളർ – ദീപക് പരമേശ്വരൻ, പ്രൊഡക്ഷൻ എക്സിക്യൂട്ടീവ് – പ്രസാദ്, ലൊക്കേഷൻ മാനേജർ – സുരേഷ്, സ്റ്റിൽസ് – റിച്ചാർഡ്, ഡിസൈൻസ് – ഓൾഡ് മങ്ക്സ് പി ആർ ഒ – മഞ്ജു ഗോപിനാഥ്
