രാഷ്ട്രീയ പ്രവേശനത്തിന് ശേഷം സിനിമയിൽ നിന്നും വിട്ടു നിന്നിരുന്ന സുരേഷ് ഗോപി ഒരു ഇടവേളക്ക് ശേഷം വരനെ ആവശ്യമുണ്ട് എന്ന ചിത്രത്തിലൂടെ വമ്പൻ തിരിച്ചുവന്നിരുന്നു. കാവൽ, ഒറ്റക്കൊമ്പൻ, പാപ്പൻ എന്നിങ്ങനെ നിരവധി ചിത്രങ്ങളാണ് താരത്തിന്റേതായി അണിയറയിൽ ഒരുങ്ങുന്നത്. തൃശൂർ മണ്ഡലത്തിൽ നിന്നും നിയമസഭയിലേക്ക് ഇത്തവണ അദ്ദേഹം മത്സരിക്കുന്നുണ്ട്. അതിന്റെ പ്രചാരണത്തിലാണ് അദ്ദേഹമിപ്പോൾ. അതിനിടയിൽ യുവാക്കൾക്കൊപ്പം ഫുട്‍ബോൾ കളിക്കുന്ന ഫോട്ടോസ് പങ്ക് വെച്ചിരിക്കുകയാണ് സോഷ്യൽ മീഡിയയിലൂടെ സുരേഷ് ഗോപി. 
