ഹിറ്റ് കൂട്ടുകെട്ടായ സൂര്യയും ഹരിയും വീണ്ടും ഒന്നിക്കുന്നു. സൂര്യയുടെ 39 ാമത്തെ ചിത്രത്തിലാൻ ഈ കൂട്ടുകെട്ട് വീണ്ടും ഒന്നിക്കുന്നു. ചിത്രത്തിന് ‘അരുവാ’ എന്നാണ് പേരിട്ടിരിക്കുന്നത്. ദീപാവലി റിലീസായി ചിത്രം തിയറ്ററുകളിൽ എത്തും. സിനിമയുടെ ചിത്രീകരണം അടുത്ത മാസം ആരംഭിക്കും.
വേൽ, ആറ്, സിങ്കം, സിങ്കം 2, സിങ്കം 3 എന്നീ ചിത്രങ്ങളാണ് ഹരി-സൂര്യ നേരത്തെ ഒരുക്കിയിട്ടുള്ളത്. ഇതിൽ എല്ലാം തന്നെ സൂപ്പർ ഹിറ്റുകളുമായിരുന്നു. ചിത്രത്തിന് വേണ്ടി സംഗീതം ഒരുക്കുന്നത് ഡി.ഇമ്മൻ ആണ് . സൂരാരൈ പോട്ര് ആണ് സൂര്യയുടെ റിലീസിന് തയ്യാറെടുക്കുന്ന അടുത്ത ചിത്രം. മലയാളി താരം അപർണ ബാലമുരളിയാണ് ചിത്രത്തിൽ നായികയാകുന്നത്. എയർ ഡെക്കാൻ സ്ഥാപകൻ ക്യാപ്റ്റൻ ജിആർ ഗോപിനാഥിന്റെ ജീവിതകഥയാണ് ചിത്രം പറയുന്നത്.
ഇരുധി സുട്രൂവെന്ന സൂപ്പര്‍ ഹിറ്റ് സിനിമയുടെ സംവിധായിക സുധ കൊങ്ങരയുടെ രണ്ടാമത്തെ ചിത്രമാണ് സുരരൈ പൊട്രൂ. എയര്‍ ഡെക്കാന്‍ സ്ഥാപകന്‍ ക്യാപ്റ്റന്‍ ജി.ആര്‍. ഗോപിനാഥിന്റെ ജീവിത കഥയെ അടിസ്ഥാനമാക്കിയാണ് ചിത്രം നിര്‍മിച്ചിരിക്കുന്നത്. മോഹന്‍ റാവു, പരേഷ് റാവല്‍, ജാക്കി ഷ്രോഫ് എന്നിവരാണ് ചിത്രത്തിലെ മറ്റ് താരങ്ങള്‍. ജി.വി. പ്രകാശാണ് സംഗീതം ഒരുക്കുന്നത്. ചിത്രം അടുത്ത മാസം തിയേറ്ററുകളിലെത്തും.
