തങ്ങളുടെ ശരീരം ഫിറ്റാക്കി സൂക്ഷിക്കുന്നതില്‍ ശ്രദ്ധിക്കുന്നവരാണ് ഇന്ന് ഏറെപ്പേരും. ബോളിവുഡ് നടന്‍ ഹൃത്വിക് റോഷന്റെ മുന്‍ ഭാര്യയും ഇന്റീരിയര്‍ ഡിസൈനറുമായ സൂസന്‍ ഖാനും ഇക്കാര്യത്തില്‍ മുന്‍പന്തിയിലാണ്. സമൂഹമാധ്യമങ്ങളിലൂടെ തന്റെ വര്‍ക്കൗട്ട് വീഡിയോകള്‍ സൂസന്‍ പങ്കുവയ്ക്കാറുണ്ട്. കഴിഞ്ഞ ദിവസവും സൂസന്‍ ഇന്‍സ്റ്റഗ്രാമിലൂടെ ഒരു വര്‍ക്കൗട്ട് വീഡിയോ പങ്കുവച്ചിരുന്നു. വര്‍ക്കൗട്ട് വലിയ പ്രചോദനമാണ് എല്ലാവര്‍ക്കും നല്‍കുന്നതെന്നും നമ്മളെ കൂടുതല്‍ ഉയരങ്ങളിലേയ്ക്ക് എത്തിക്കുകയും ചെയ്യും എന്ന കുറിപ്പോടെയാണ് താരം തന്റെ വര്‍ക്കൗട്ട് വീഡിയോ പോസ്റ്റ് ചെയ്തത്.
View this post on Instagram
#tryingtostayconsistent #thejumpboxmorning #comeasuare എന്ന ഹാഷ് ടാഗോടെയാണ് സൂസന്‍ വീഡിയോ പങ്കുവച്ചത്. നിരവധി പേരാണ് വീഡിയോയ്ക്ക് താഴെ കമന്റുകളുമായി രംഗത്തെത്തിയിരുന്നു. അക്കൂട്ടത്തില്‍ നടന്‍ അസ്ലാന്‍ ഗോനിയും കമന്റിട്ടിരുന്നു. അസ്ലാന്‍ ഗോനിയുമായി സൂസനുള്ള ബന്ധത്തെ കുറിച്ച് ഗോസിപ്പുകള്‍ സജീവമാകുന്നതിനിടെയാണ് താരത്തിന്റെ കമന്റ്.
വീഡിയോയ്ക്ക് ‘Space Girl’ എന്നായിരുന്നു അസ്ലന്‍ ഗോനി കമന്റ് ചെയ്തത്. ഉടന്‍ തന്നെ സൂസന്‍ മറുപടിയും നല്‍കി. ശരിക്കും അങ്ങനെയാണെന്നായിരുന്നു സൂസന്റെ മറുപടി.
