പാൻ ഇന്ത്യൻ സൂപ്പർ സ്റ്റാർ ദുൽഖർ സൽമാനെ നായകനാക്കി ശ്രീനാഥ് രാജേന്ദ്രൻ സംവിധാനം ചെയ്ത കുറുപ് തിയറ്ററുകളിൽ തകർത്ത് മുന്നേറുകയാണ്. ആദ്യദിന കളക്ഷനിൽ മലയാള സിനിമയിൽ റെക്കോഡിട്ട് ആയിരുന്നു കുറുപിന്റെ മുന്നേറ്റം. നവംബർ 12ന് കേരളത്തിൽ 505 സ്ക്രീനിലായാണ് ചിത്രം റിലീസ് ചെയ്തത്. ആദ്യദിവസം തന്നെ 2600ലേറെ ഷോകൾ ആയിരുന്നു നടത്തിയത്. കേരളത്തില്‍ മാത്രം ചിത്രത്തിന്റെ ആദ്യ ദിന ഗ്രോസ് കളക്ഷന്‍ ആറ് കോടി മുപ്പത് ലക്ഷം രൂപയാണെന്ന് വേഫയര്‍ പ്രൊഡക്ഷന്‍സിന്റെ ചീഫ് ഓപ്പറേഷന്‍ ഓഫീസര്‍ ജയശങ്കര്‍ ഒരു സ്വകാര്യ ഓണ്‍ലൈന്‍ ചാനലിനോട് പറഞ്ഞത്. ലൂസിഫര്‍ സിനിമയുടെ ഫസ്റ്റ് ഡേ ഗ്രോസ് കളക്ഷനെ പിന്നിലാക്കി ആയിരുന്നു കുറുപ്പിന്റെ നേട്ടം.
അതേസമയം, ഇപ്പോൾ കുറുപിനൊപ്പം ചുവട് വെക്കുന്നവരെ കാത്തിരിക്കുന്നത് അഞ്ചു ലക്ഷം രൂപയുടെ സമ്മാനങ്ങളും ഫ്രീ ടിക്കറ്റുകളുമാണ്. എവിടെ വെച്ച് വേണമെങ്കിലും ഫ്ലാഷ് മൊബ് അവതരിപ്പിക്കാം. കുറുപ്പ് സിനിമയുമായി ബന്ധപ്പെടുത്തിയായിരിക്കണം ഫ്ലാഷ് മൊബ്.
കുറഞ്ഞത് 20 പേരെങ്കിലും ടീമിൽ ഉണ്ടായിരിക്കണം. ഡാൻസ് വീഡിയോ യൂട്യൂബിൽ അപ്‌ലോഡ് ചെയ്ത് ലിങ്ക് +91 97785 57350 എന്ന നമ്പറിലേക്ക് അയച്ചു നൽകുകയാണ് ചെയ്യേണ്ടത്. പങ്കെടുക്കുന്ന എല്ലാവർക്കും കുറുപ് സിനിമ കാണുവാനുള്ള ഫ്രീ ടിക്കറ്റുകൾ സമ്മാനിക്കും. ഫ്ലാഷ്മൊബ് മത്സരത്തിൽ വിജയികൾ ആകുന്നവർക്ക് ദുൽഖറിനെ നേരിട്ടു കാണുവാനും അദ്ദേഹത്തിന്റെ മുൻപിൽ ഫ്ലാഷ് മൊബ് നടത്തുവാനും അവസരം ലഭിക്കും.
കുറുപ് സിനിമ റിലിസ് ചെയ്ത് മൂന്ന് ദിവസം കൊണ്ട് അമ്പത് കോടിയെന്ന മാന്ത്രിക സംഖ്യയിലേക്ക് കുറുപ് എത്തുന്നതായാണ് റിപ്പോർട്ട്. ജിസിസിയിൽ നിന്ന് മാത്രം ഇരുപത് കോടി നേടിയ ചിത്രം കേരളത്തിൽ നിന്നും റെസ്റ്റ് ഓഫ് ഇന്ത്യയിൽ നിന്നും മുപ്പത് കോടിയോളം നേടിയിട്ടുണ്ട്. തമിഴ്‌നാട് – 2.75 കോടി, കർണാടക – 2.3 കോടി, ആന്ധ്രാപ്രദേശ് & തെലുങ്കാന – 2.3 കോടി, നോർത്ത് ഇന്ത്യ – 1.1 കോടി ഇങ്ങനെയാണ് കണക്കുകൾ പുറത്തുവന്നിരിക്കുന്നത്.
