തെന്നിന്ത്യൻ ചലച്ചിത്രമേഖലയിലെ സൂപ്പർ താരമാണ് തമന്ന. താരത്തിന്റെ മാതാപിതാക്കൾക്ക് കോവിഡ് -19 സ്ഥിരീകരിച്ചിരിക്കുകയാണ്. താൻ ഉൾപ്പെടെ മറ്റ് അംഗങ്ങൾ എല്ലാവരും കൊവിഡ് നെഗറ്റീവ് ആണെന്നും താരം അറിയിച്ചു. കഴിഞ്ഞ ദിവസമാണ് തന്റെ മാതാപിതാക്കൾക്ക് രോഗലക്ഷണങ്ങൾ കണ്ടതെന്നും പിന്നീട് ടെസ്റ്റ് ചെയ്തപ്പോഴാണ് ഫലം അറിഞ്ഞതെന്നും താരം പറയുന്നുണ്ട്. തന്റെ ഇൻസ്റ്റഗ്രാം പേജിൽ ഒരു കുറിപ്പ് പങ്കു വച്ചു കൊണ്ടാണ് താരം ഇക്കാര്യം ആരാധകരെ അറിയിക്കുന്നത്.
താരത്തിന്റെ വാക്കുകൾ:
കഴിഞ്ഞ ദിവസമാണ് എന്റെ മാതാപിതാക്കൾക്ക് കോവിഡ് ലക്ഷണങ്ങൾ കാണുന്നത്. മുൻകരുതലെന്നോണം വീട്ടിലെ എല്ലാവരും ഉടനെ കോവിഡ് പരിശോധനയ്ക്ക് വിധേയരായി. പരിശോധനാഫലം ഇപ്പോഴാണ് വന്നത്. നിർഭാഗ്യവശാൽ എന്റെ മാതാപിതാക്കളുടെ ഫലം പോസിറ്റീവാണ്. അധികാരികൾ അറിയിച്ച പ്രകാരം വേണ്ട മുൻകരുതലുകൾ എടുക്കുകയാണ് ഞങ്ങൾ.
ഞാനുൾപ്പടെയുള്ള കുടുംബത്തിലെ മറ്റ് അംഗങ്ങൾക്ക് ഫലം നെഗറ്റീവ് ആണ്. ദൈവാനുഗ്രഹം കൊണ്ട് അവരുടെ ചികിത്സകൾ നന്നായി നടക്കുന്നുണ്ട്. നിങ്ങളുടെ പ്രാർത്ഥനകളും അനുഗ്രഹങ്ങളും എത്രയും പെട്ടെന്ന് രോഗമുക്തി നേടാൻ അവരെ സഹായിക്കും.
