പ്രണവ് മോഹൻലാലിനെ നായകനാക്കി വിനീത് ശ്രീനിവാസൻ സംവിധാനം ചെയ്യുന്ന ‘ഹൃദയം’ എന്ന സിനിമയിലെ പുതിയ വീഡിയോ ഗാനമെത്തി. മലയാളത്തിന്റെ യുവതാരം പൃഥ്വിരാജ് സുകുമാരൻ ആണ് ഈ ഗാനം ആലപിച്ചിരിക്കുന്നത്. കൈതപ്രത്തിന്റെ വരികൾക്ക് ഹെഷാം അബ്ദുൾ വഹാബ് ആണ് സംഗീതം നൽകിയിരിക്കുന്നത്.
പൃഥ്വിരാജ് ആലപിച്ച ‘താതക തെയ്താരോ’ എന്ന് തുടങ്ങുന്ന ഗാനത്തിന്റെ വീഡിയോ ആണ് ഇപ്പോൾ പുറത്തു വന്നിരിക്കുന്നത്. വിനീത് ശ്രീനിവാസൻ സംവിധാനം ചെയ്യുന്ന ചിത്രത്തിലെ നാല് ഗാനങ്ങൾ ഇതിനകം റിലീസ് ആയി കഴിഞ്ഞു. റിലീസ് ആയ ഗാനങ്ങളിൽ മൂന്നെണ്ണം മലയാളം ഗാനങ്ങളും ഒരെണ്ണം ഉണ്ണി മേനോൻ ആലപിച്ച ഒരു തമിഴ് ഗാനവുമാണ്. ചിത്രത്തിൽ ആകെ പതിനഞ്ചോളം ഗാനങ്ങൾ ഉണ്ടെന്നാണ് റിപ്പോർട്ടുകൾ.
ജനുവരിയിലാണ് ചിത്രം തിയറ്ററുകളിൽ എത്തുന്നത്. വിശ്വജിത് ആണ് ക്യാമറ. എഡിറ്റർ – രഞ്ജൻ എബ്രഹാം, കല്യാണി പ്രിയദർശൻ, ദർശന രാജേന്ദ്രൻ എന്നിവർ നായികമാരായി എത്തുന്ന ഹൃദയത്തിൽ അജു വർഗീസും വിജയ രാഘവനും തുടങ്ങി ഒട്ടേറെ താരങ്ങൾ അഭിനയിക്കുന്നുണ്ട്. മെറിലാൻഡ് സിനിമാസിന്റെ ബാനറില്‍ വിശാഖ് സുബ്രഹ്മണ്യം നിര്‍മിക്കുന്ന ഈ ചിത്രം ജനുവരി ഇരുപത്തിയൊന്നിന് ആണ് ആഗോള റിലീസ് ആയി എത്തുന്നത്.
