സണ്ണി വെയിൻ വ്യത്യസ്തമായ ഗെറ്റപ്പിൽ എത്തുന്ന ചിത്രമാണ് അപ്പൻ. മജു സംവിധാനം ചെയ്യുന്ന ചിത്രമായ അപ്പന്റെ ഡബ്ബിംഗ് പൂർത്തിയായി. ഡബ്ബിംഗ് പൂർത്തിയായ സ്ഥിതിക്ക് ചിത്രം താമസിയാതെ തന്നെ പ്രേക്ഷകരിലേക്ക് എത്തും. ചിത്രത്തിന്റെ ട്രയിലർ നേരത്തെ റിലീസ് ചെയ്തിരുന്നു. ചിത്രത്തിന്റെ ട്രയിലറിന് ഗംഭീര വരവേൽപ്പാണ് ലഭിച്ചത്.
‘ജയസൂര്യ’ നായകനായി എത്തിയ ‘വെള്ളം’ സിനിമയുടെ പ്രൊഡ്യൂസർമാരായ ജോസ് കുട്ടി മഠത്തിൽ, രഞ്ജിത്ത് മണബ്രക്കാട്ട് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ഇവർ ടൈനി ഹാൻഡ്സ് പ്രൊഡക്ഷൻസിന്റെ ബാനറിൽ സണ്ണി വെയ്ൻ പ്രൊഡക്ഷൻസുമായി ചേർന്നാണ് ചിത്രം നിർമ്മിക്കുന്നത്. ട്രയിലറിൽ നിന്ന് ചിത്രം ഡാർക്ക് കോമഡി ഗണത്തിൽപ്പെടുന്ന ചിത്രമായാണ് മനസ്സിലാക്കുന്നത്.
തൊടുപുഴയിൽ ആയിരുന്നു ‘അപ്പൻ’ സിനിമയുടെ ചിത്രീകരണം. സണ്ണി വെയിനെ കൂടാതെ അലൻസിയർ, അനന്യ, ഗ്രേസ് ആന്റണി, പോളി വത്സൻ, രാധിക രാധാകൃഷ്ണൻ, അനിൽ കെ ശിവറാം, വിജിലേഷ്, ഉണ്ണി രാജ, ദ്രുപദ് കൃഷ്ണ എന്നിവരും സിനിമയിൽ പ്രധാനവേഷങ്ങൾ ചെയ്യുന്നു. മജുവും ആർ ജയകുമാറും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഛായാഗ്രഹണം – പപ്പു. എഡിറ്റർ – കിരൺ ദാസ്, സംഗീതം – ഡോൺ വിൻസെന്റ്, ഗാനരചന – അൻവർ അലി, സിങ്ക് സൗണ്ട് – ലെനിൻ വലപ്പാട്, സൗണ്ട് ഡിസൈൻ – വിക്കി, കിഷൻ. എക്സിക്യൂട്ടീവ് പ്രൊഡ്യൂസർ – ദീപു ജി പണിക്കർ, മേക്കപ്പ് – റോണെക്സ് സേവ്യർ, ആർട്ട് – കൃപേഷ് അയ്യപ്പൻകുട്ടി, കോസ്റ്റ്യൂം – സുജിത്ത് മട്ടന്നൂർ, പ്രൊഡക്ഷൻ കൺട്രോളർ – ദീപക് പരമേശ്വരൻ, പ്രൊഡക്ഷൻ എക്സിക്യൂട്ടീവ് – പ്രസാദ്, ലൊക്കേഷൻ മാനേജർ – സുരേഷ്, സ്റ്റിൽസ് – റിച്ചാർഡ്, ഡിസൈൻസ് – ഓൾഡ് മങ്ക്സ്’
View this post on Instagram
