മമ്മൂട്ടിയുടെ ഹൊറർ സസ്പെൻസ് പാരാസൈക്കോളജിക്കൽ ത്രില്ലർ ദി പ്രീസ്റ്റ് എക്സ്ക്ലൂസീവ് ഡിജിറ്റൽ പ്രീമിയർ ആമസോൺ പ്രൈം വീഡിയോയിൽ 2021 ഏപ്രിൽ 14 മുതൽ കാണാനാകും. ജോഫിൻ ടി ചാക്കോ സംവിധാനം ചെയ്ത ഈ ചിത്രത്തിൽ മമ്മൂട്ടി പുരോഹിതനായി അഭിനയിക്കുന്നു. അസാധാരണ കഴിവുള്ള ഒരു പുരോഹിതന്റെ ജീവിതകഥയും തണുത്തുറഞ്ഞ കേസുകൾ പരിഹരിക്കാനുള്ള അദ്ദേഹത്തിൻറെ നിഗൂഢമായ യാത്രയുമാണ് ചിത്രത്തിന്റെ പ്രമേയം. മമ്മൂട്ടിയും മഞ്ജുവാര്യരും ഒന്നിച്ചഭിനയിക്കുന്നു എന്ന പ്രത്യേകതയും ഉണ്ട്. ആന്റോ ജോസഫ്, ഉണ്ണികൃഷ്ണൻ ബി, വി എൻ ബാബു എന്നിവർ ചേർന്ന് ആന്റോ ജോസഫ് ഫിലിം കമ്പനി, ആർ ഡി ഇല്ലുമിനേഷൻസ് എന്നീ കമ്പനികളുടെ ബാനറിൽ നിർമ്മിച്ച ചിത്രത്തിൽ നിഖില വിമൽ,സാനിയ അയ്യപ്പൻ, രമേശ് പിഷാരടി, ജഗദീഷ് എന്നിവരും മറ്റു പ്രധാന വേഷങ്ങളിൽ അഭിനയിക്കുന്നു. ഇന്ത്യയിലെയും 240 രാജ്യങ്ങളിലെയും പ്രദേശങ്ങളിലെയും പ്രൈം അംഗങ്ങൾക്ക് തീയേറ്ററിൽ റിലീസ് ചെയ്തിട്ട് അധികകാലം ആകാതെ പ്രീസ്റ്റ് ഏപ്രിൽ 14 മുതൽ ആമസോൺ പ്രൈം വീഡിയോയിൽ കൂടെ കാണാൻ സാധിക്കും.
