രോഗബാധിതയായ അമ്മയുടെ കരൾമാറ്റ ശസ്‌ത്രക്രിയക്ക്‌ പണമില്ലാതെ ലൈവിൽ സഹായമഭ്യർത്ഥിച്ച് പൊട്ടിക്കരഞ്ഞ വർഷ എന്ന പെൺകുട്ടി കേരളത്തിന്റെ നൊമ്പരമായിട്ട് അധികം നാളായിട്ടില്ല. ആ അമ്മയേയും മകളെയും കൈവിടാതെ കൂടെ നിർത്തിയ സമൂഹം അവൾക്ക് നൽകിയ ആശ്വാസവും പരിഗണനയും ചെറുതൊന്നുമല്ല. വർഷ അഭിനയിക്കുന്ന തീ എന്ന വെബ് സീരീസിന്റെ ട്രെയ്‌ലർ ഇപ്പോൾ പുറത്തിറങ്ങിയിരിക്കുകയാണ്. പ്രണയത്തിനും വയലൻസിനും പ്രാമുഖ്യം നൽകുന്ന സീരിസ് സസ്പൻസ് ത്രില്ലർ വിഭാഗത്തിൽപ്പെടുന്നു. ഹ്രസ്വചിത്രങ്ങളിലൂടെ നവധാരയിലേക്കു കടന്ന് വരുന്ന അനേകായിരം ചെറുപ്പക്കാരുടെ തുടർച്ചയിൽ നിന്നും വരുന്ന നവാഗതനായ ഉണ്ണി ഉദയൻ ആണ് തിരക്കഥയും സംവിധാനവും നിർവഹിച്ചിരിക്കുന്നത്. ജോക്കർ പ്രൊഡക്‌ഷൻസിന്റെ ബാനറിൽ ചോക്ലേറ്റ് മീഡിയയിലൂടെയാണ് ട്രെയിലർ റിലീസ് ചെയ്തത്.
