സിനിമ പശ്ചാത്തലം ഇല്ലാത്ത ഒരു കുടുംബത്തിൽ നിന്നും എത്തി അറിയപ്പെടുന്ന നടനായി മലയാളികളുടെ മനം കവർന്ന താരമാണ് ടൊവിനോ തോമസ്. സ്വപ്നങ്ങൾക്ക് പിറകെയുള്ള യാത്രയിൽ കാലിടറി വീഴുമ്പോളും വീണ്ടും എഴുന്നേറ്റ് കുതിക്കുന്നവന് മാത്രമാണ് വിജയത്തിലെത്താൻ സാധിക്കുക എന്ന് ജീവിതംകൊണ്ട് കാണിച്ചുതന്ന നടനാണ് ടോവിനോ.
മലയാളത്തിനു പുറമേ തമിഴിലും അഭിനയിച്ചിട്ടുള്ള താരം ചെറിയ വേഷങ്ങളിലൂടെയാണ് അഭിനയലോകത്തേക്ക് കടന്നുവന്നത് എങ്കിലും പിന്നീട് നിരവധി വേഷങ്ങൾ ആണ് അദ്ദേഹത്തിന് ലഭിച്ചത്. തീവണ്ടി എന്ന ചിത്രമാണ് താരത്തിന്റെ അഭിനയ ജീവിതത്തിന് വലിയൊരു ബ്രേക്ക് കൊടുത്തത്. കള എന്ന ചിത്രത്തിനെ ലൊക്കേഷനിൽ വച്ച് ടോവിനോക്ക് ചെറിയൊരു പരിക്കേറ്റിരുന്നു. പിന്നീട് കൊച്ചിയിലെ ഒരു സ്വകാര്യ ആശുപത്രിയിൽ അദ്ദേഹത്തെ പ്രവേശിപ്പിക്കുകയായിരുന്നു. ആന്തരിക രക്തസ്രാവത്തെ തുടർനാണ് അദ്ദേഹത്തിന് വയറുവേദന അനുഭവപ്പെട്ടത്. വിദഗ്ധ ചികിത്സക്ക് ശേഷം അദ്ദേഹം വീട്ടിൽ വിശ്രമത്തിലായിരുന്നു. ഇപ്പോൾ വീണ്ടും സിനിമയുടെ പുതിയ സെറ്റിലേക്ക് എത്തിയിരിക്കുകയാണ് താരം. കാണെക്കാണെ എന്ന ചിത്രത്തിനെ സൈറ്റിലേക്ക് ആണ് അദ്ദേഹം എത്തിയത്. കേക്ക് മുറിച്ച് മധുരം പകർന്ന് വളരെ ഊഷ്മളമായ സ്വീകരണമാണ് അണിയറപ്രവർത്തകർ അദ്ദേഹത്തിനു വേണ്ടി ഒരുക്കിയത്. ടോവിനോ, ഐശ്വര്യ ലക്ഷ്മി എന്നിവര്‍ കേന്ദ്ര കഥാപാത്രങ്ങളാകുന്ന ചിത്രമാണ് കാണെക്കാണെ. സുരാജ് വെഞ്ഞാറമൂട്, ശ്രുതി രാമചന്ദ്രന്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
