ടോവിനോ തോമസിനെ നായകനാക്കി ജിയോ ബേബി സംവിധാനവും തിരക്കഥയും ഒരുക്കുന്ന ചിത്രമാണ് കിലോമീറ്റേഴ്‌സ് ആൻഡ് കിലോമീറ്റേഴ്‌സ്. റാംഷി, ടോവിനോ തോമസ്, സിനു സിദ്ധാർഥ്, ആന്റോ ജോസഫ് എന്നിവർ ചേർന്ന് നിർമിക്കുന്ന ചിത്രത്തിന്റെ DOP സിനു സിദ്ധാർഥും സംഗീത സംവിധാനം സൂരജ് എസ് കുറുപ്പുമാണ്. ലോക്ക് ഡൗൺ കാരണം റിലീസിംഗ് ഡേറ്റ് മാറ്റിവെച്ച ഈ ചിത്രം ഈ ആഗസ്റ്റ് 31ന് ഏഷ്യാനെറ്റിലൂടെ പ്രീമിയർ ചെയ്യപ്പെടും. ചിത്രത്തിന്റെ വിശേഷങ്ങൾ സിനിമാ ഡാഡിയുമായി പങ്കു വെക്കവേ രസകരമായ ഒരു സംഭവം ടോവിനോ പറയുകയുണ്ടായി.
“എനിക്കൊരു സുഹൃത്തുണ്ട്…വയർ ചാടിയതിന്റെ പേരിൽ നമ്മൾ കളിയാക്കിയാൽ അവൻ വരും ഇന്ന് കുറച്ച് വെള്ളം കുടിച്ചു അതുകൊണ്ടാണ് എന്ന്. അടുത്ത ദിവസം വീണ്ടും ഇതേ പേരിൽ കളിയാക്കിയാൽ അവൻ പറയും ഇന്ന് ബിരിയാണിയാണ് കഴിച്ചത് എന്ന്. അവന്റെ പേര് അരുൺ എന്നാണ്” ,ടോവിനോ പറഞ്ഞു.
തന്റെ ഉറ്റ സുഹൃത്തിന് ഒരു ചെറിയ പണി കൊടുക്കാനായാണ് ടോവിനോ പേരടക്കം പറഞ്ഞത്. പേര് പറയാനുള്ള സ്വാതന്ത്ര്യം ഉള്ള സൗഹൃദമാണ് ഇരുവരും തമ്മിൽ ഉള്ളത്. എന്നാൽ കഥയിലെ ട്വിസ്റ്റ് ഇനിയാണ്.
വീഡിയോ വൈറലായതിന് ശേഷം സാക്ഷാൽ അരുൺ തന്റെഫേസ്ബുക്ക് അക്കൗണ്ടിൽ ടോവിനോയ്ക്ക് ‘മറുപടി’യുമായി എത്തി.
“മാമൻ കേട്ടു മോളേ..!!അതൊക്കെ പണ്ട് Mr. @tovinothomas
ഇപ്പൊ കളി മാറി..കഥ മാറി 😜😁💪🏻💪🏻💪🏻 ”
എന്ന ക്യാപ്‌ഷനോട് കൂടി തന്റെ സിക്സ് പാക്ക് ശരീരത്തിന്റെ വീഡിയോ അരുൺ പങ്കു വെക്കുകയുണ്ടായി. എന്തായാലും നിമിഷ നേരം കൊണ്ട് തന്നെ സംഗതി സോഷ്യൽ മീഡിയയിൽ ക്ലിക്കായി.
