മലയാളത്തിലെ യുവതാരങ്ങളിൽ ശ്രദ്ധേയനാണ് ടോവിനോ തോമസ്. സുരേഷ് ഗോപി അവതരിപ്പിക്കുന്ന നിങ്ങൾക്കുമാകാം കോടീശ്വരൻ എന്ന പരിപാടിയിലെത്തിയ അദ്ദേഹം 12 ലക്ഷം നേടിയെടുത്തു. എന്നാൽ ഈ തുക ടോവിനോ നല്കാൻ തീരുമാനിച്ചിരിക്കുന്നത് ഫോറൻസിക് എന്ന ചിത്രത്തിൽ തനിക്കൊപ്പം ജോലി ചെയ്ത ചിത്രത്തിന്റെ ആർട് ഡിപ്പാർട്മെന്റിലെ സുതൻ എന്ന വ്യക്തിക്ക് ആണ്. ചിത്രത്തിന്റെ സംവിധായകൻ ആയ അഖിൽ പോൾ ആണ് സഹപ്രവർത്തകന് വീട് വയ്ക്കാൻ ആണ് ഈ തുക ടോവിനോ നൽകുന്നത് എന്ന വിവരം പുറത്തുവിട്ടത്.
പ്രളയ കാലത്തും അല്ലാതെയും നിരവധി നല്ല പ്രവർത്തികൾ ചെയ്ത് പ്രേക്ഷകരുടെ കയ്യടി നേടിയ താരമാണ് ടോവിനോ തോമസ്. ഒരിക്കൽ കൂടി നന്മ നിറഞ്ഞ ഒരു പ്രവർത്തി കൊണ്ട് സോഷ്യൽ മീഡിയയുടെ കയ്യടി നേടിയെടുക്കുകയാണ് ഈ താരം. ടോവിനോയുടെ അടുത്ത റിലീസ് കിലോമീറ്റർസ് ആൻഡ് കിലോമീറ്റർസ് എന്ന ചിത്രമാണ്. ഇത് കൂടാതെ ഫോറൻസിക്, മിന്നൽ മുരളി, പള്ളി ചട്ടമ്പി, തല്ലുമാല , ഭൂമി, 563 ചാൾസ് സ്ട്രീറ്റ് എന്നീ ചിത്രങ്ങളും അടുത്ത വർഷം ടോവിനോ നായകനായി എത്തും എന്നാണ് ലഭിക്കുന്ന റിപ്പോർട്ടുകൾ.
