അഡ്വഞ്ചേഴ്‌സ് ഓഫ് ഓമനക്കുട്ടന്‍, ഇബ്‌ലിസ് എന്നീ ചിത്രങ്ങളിലൂടെ ശ്രദ്ധ നേടിയ രോഹിത് വി എസ് സംവിധാനം നിർവഹിക്കുന്ന ടോവിനോ തോമസ് ചിത്രം ‘കള’ക്ക് സെൻസർ ബോർഡിന്റെ എ സർട്ടിഫിക്കറ്റ്. വയലൻസിന്റെ അതിപ്രസരം കൊണ്ടാണ് എ സർട്ടിഫിക്കറ്റ് ലഭിച്ചിരിക്കുന്നതെന്ന് ചിത്രത്തിന്റെ ടീസർ തന്നെ തെളിവ് തരുന്നുണ്ട്. യദു പുഷ്പാകരനും രോഹിത് വി എസും ചേര്‍ന്നാണ് ചിത്രത്തിന്റെ രചന നിര്‍വ്വഹിക്കുന്നത്. ലാലും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
ഛായാഗ്രഹണം അഖില്‍ ജോര്‍ജ്. എഡിറ്റിംഗ് ലിവിങ്സ്റ്റണ്‍ മാത്യു. ശബ്ദ സംവിധാനം ഡോണ്‍ വിന്‍സെന്റ്. അസോസിയേറ്റ് ഡയറക്ടേഴ്‌സ് ബാസിദ് അല്‍ ഗസാലി, സജൊ. പബ്ലിസിറ്റി പവിശങ്കര്‍. അഡ്വഞ്ചര്‍ കമ്പനിയുടെ ബാനറില്‍ സിജു മാത്യു, നാവിസ് സേവ്യര്‍ എന്നിവരാണ് നിര്‍മ്മാണം. ടൊവീനോയും രോഹിത്തും അഖില്‍ ജോര്‍ജും സഹനിര്‍മ്മാതാക്കളാണ്.
