നവാഗതനായ ഫെല്ലിനി ടി പി സംവിധാനം ചെയ്യുന്ന ചിത്രമാണ് തീവണ്ടി ചിത്രത്തില്‍ ഒരു ചെയിന്‍ സ്മോക്കറായാണ് ടൊവീനോ അഭിനയിക്കുന്നത്. ചിത്രത്തില്‍
പുതുമുഖം സംയുക്ത മേനോനാണ് നായിക. സൈജു കുറുപ്പ്, സുരാജ് വെഞ്ഞാറമ്മൂട്, സുധീഷ്, സുരഭി ലക്ഷ്മി തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.ചിത്രത്തിലെ ട്രയ്ലർ ഇതിനോടകം ഹിറ്റ് ചാർട്ടിൽ ഇടം നേടിയിരുന്നു.
കേരളത്തിൽ നടന്ന പ്രളയത്തിൽ രക്ഷാപ്രവർത്തനത്തിൽ മുൻപന്തിയിൽ നിന്ന വ്യക്തിയാണ് ടോവിനോ തോമസ്.ആയതിനാൽ തന്നെ ടോവിനോയുടെ ഈ ചിത്രം കാണുവാൻ ആരാധകർ കാത്തിരിയ്ക്കുകയാണ്.
ഇതിനിടെ ടോവിനോയുടെ ഫേസ്‍ബുക് പോസ്റ്റിൽ വന്ന ഒരു കമന്റ് ആണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
ദുരിതസമയത്ത് കൂടെ നിന്നതിനു ഒരായിരം നന്ദി പറയുന്നു.. പക്ഷെ അതിന്റെ പേരില്‍ മാത്രം ഈ പടം കാണാന്‍ ഉദ്ദേശിക്കുന്നില്ല (താങ്കളും അത് തീരെ ആഗ്രഹിക്കുന്നില്ല എന്നറിയാം)നല്ല പടം ആണെങ്കില്‍ തീര്‍ച്ചയായും കണ്ടിരിക്കും ഇതായിരുന്നു ടൊവീനോ സമൂഹമാധ്യമത്തില്‍ പങ്കുവച്ച തീവണ്ടിയുടെ പോസ്റ്ററിന് താഴെ വന്ന ആരാധകന്റെ കമന്റ്.ഈ കമന്റിന് ടൊവിനോ നല്‍കിയ മറുപടി ഇങ്ങനെ: സത്യം, അങ്ങനെയേ പാടുള്ളൂ. സിനിമ വേറെ ജീവിതം വേറെ. ഈ മറുപടിയെ പ്രശംസിച്ചും ആരാധകര്‍ രംഗത്തെത്തിക്കഴിഞ്ഞു. ടൊവീനോയുടെ തീവണ്ടി എന്ന ചിത്രത്തിലെ പുതിയ ഗാനവും വൈറലാവുകയാണ്.
