കോവിഡ് വ്യാപനത്തിന്റെ പശ്ചാത്തലത്തില്‍ സിനിമ ഷൂട്ടിങ്ങുകളെല്ലാം നിര്‍ത്തി വച്ചിരിക്കുകയാണ്. രാജ്യം ലോക്ഡൗണില്‍ ആയതിനാല്‍ സിനിമ റിലീസുകളെല്ലാം താത്കാലികമായി നിര്‍ത്തി വച്ചത് സിനിമപ്രേമികളെ സങ്കടത്തിലാക്കിയിരുന്നു. മചില ചിത്രങ്ങള്‍ ഓണ്‍ ലൈന്‍ റിലീസിന് തയ്യാറെടുക്കുന്നുണ്ട്. മലയാള സിനിമയുടെ ഈ മാറ്റം സിനിമ പ്രേമികള്‍ ഇരു കൈയ്യും നീട്ടി സ്വീകരിച്ചു കഴിഞ്ഞു.
കോവിഡ് വ്യാപനത്തിന്റെ പശ്ചാത്തലത്തില്‍ ഷൂട്ടിംഗ് സംഘത്തില്‍ ആദ്യ മൂന്നു മാസത്തേക്കെങ്കിലും 60 വയസ്സിന് മുകളില്‍ പ്രായമുള്ളവരെ ഒഴിവാക്കണം എന്ന നിര്‍ദ്ദേശത്തെ ട്രോള്‍ ആക്കി ചില രസികര്‍ സോഷ്യല്‍ മീഡിയയെ പൊട്ടിചിരിപ്പിക്കുകയാണ്. കോവിഡ് പശ്ചാത്തലത്തില്‍ രാജ്യം സേഫ് സോണില്‍ എത്തുമ്പോള്‍ സിനിമാ ഷൂട്ടിംഗ് പുനരാരംഭിക്കും. ആ സമയത്ത് പാലിക്കേണ്ട നിര്‍ദ്ദേശങ്ങളുമായി പ്രൊഡ്യൂസഴ്സ് ഗില്‍ഡ് ഓഫ് ഇന്ത്യയുടെ 37-പേജ് മാനദണ്ഡങ്ങള്‍ സമര്‍പ്പിച്ചിരിക്കുകയാണ്.
റിപ്പോര്‍ട്ടില്‍ 60 വയസ്സ് കഴിഞ്ഞവരെ ലൊക്കേഷനില്‍ പ്രവേശിപ്പിക്കില്ല എന്നും അറിയിച്ചിട്ടുണ്ട്. പ്രൊഡ്യൂസേഴ്സ് ഗില്‍ഡ് ഓഫ് ഇന്ത്യയുടെ ഈ നിര്‍ദ്ദേശത്തിന്റെ പശ്ചാത്തലത്തില്‍ ആണ് ട്രോളുകള്‍ പ്രചരിക്കുന്നത്. നിരവധി ട്രോളുകളാണ് സോഷ്യല്‍മീഡിയയില്‍ ഇറങ്ങുന്നത്. അതിലൊന്ന് 60 വയസ്സ് കഴിഞ്ഞവരെ ലൊക്കേഷനില്‍ പ്രവേശിപ്പിക്കില്ലെന്ന് പറയുമ്പോള്‍ മമ്മൂട്ടിയും മോഹന്‍ലാലും എങ്ങനെ സിനിമകള്‍ പൂര്‍ത്തിയാക്കും എന്നതാണ് ആരാധകരുടെ സംശയം. ഈ സംശയമാണ് ട്രോളുകളായി ഇറങ്ങിയത്. ചുരുങ്ങിയ സമയം കൊണ്ടാണ് ട്രോളുകള്‍ വൈറലായത്.
