കഴിഞ്ഞ ദിവസമാണ് ഗായകൻ ഉദിത് നാരായന്റെ മകൻ ആദിത്യ നാരായൺ തന്റെ പ്രണയിനിയും അഭിനേത്രിയുമായ ശ്വേത അഗർവാളിന്റെ കഴുത്തിൽ താലി ചാർത്തിയത്. ഇവരുടെ വിവാഹത്തെ കുറിച്ച് ഉദിത് നാരായൺ നടത്തിയ ചില വെളിപ്പെടുത്തലുകളാണ് ഇപ്പോൾ സോഷ്യൽ മീഡിയയിൽ ശ്രദ്ധ പിടിച്ചു പറ്റുന്നത്. ആദിത്യയും ശ്വേതയും കഴിഞ്ഞ പത്ത് വർഷത്തോളമായി ഒന്നിച്ചായിരുന്നു താമസമെന്നും എപ്പോഴാണ് ഇരുവർക്കുമിടയിൽ പ്രണയം വന്നതെന്ന് അറിയില്ലെന്നും ഗായകൻ വെളിപ്പെടുത്തി.
തന്റെ മകന്റെ സുഹൃത്ത് എന്ന നിലയിൽ ശ്വേതയെ വർഷങ്ങളായി പരിചയമുണ്ടെന്ന് വ്യക്തമാക്കിയ ഉദിത് നാരായൺ ശ്വേതയെ വിവാഹം കഴിക്കണമെന്ന് മകൻ അറിയിച്ചപ്പോൾ ഭാവിയിൽ എന്തെങ്കിലും സംഭവിച്ചാൽ മാതാപിതാക്കളെ കുറ്റം പറയരുതെന്ന് പറഞ്ഞെന്നും വെളിപ്പെടുത്തി.