മമ്മൂട്ടിയെ കേന്ദ്രകഥാപാത്രമാക്കി ഖാലിദ് റഹ്മാൻ സംവിധാനം ചെയ്യുന്ന ചിത്രം ഉണ്ടയുടെ സെൻസറിങ് പൂർത്തിയായി. ജൂണ് 5ന് പെരുന്നാൾ റിലീസ് നിശ്ചയിച്ചിരുന്ന ചിത്രം സെൻസറിങ് പ്രശ്നം മൂലം റിലീസ് മാറ്റിവെക്കുകയും ജൂൺ 14 ലേക്ക് ചിത്രം തിയേറ്ററുകളിലേക്ക് എത്തിക്കാമെന്നു തീരുമാനം എടുക്കുകയുമായിരുന്നു. ഇപ്പോഴിതാ ചിത്രത്തിന്റെ സെൻസറിങ് പൂർത്തിയായി ചിത്രം U സർട്ടിഫിക്കറ്റ് കരസ്ഥമാക്കിയിരിക്കുകയാണ്. അതിനാൽ റിലീസിന് മാറ്റമില്ലാതെ ചിത്രം ജൂൺ 14നു തന്നെ പ്രദർശനം ആരംഭിക്കുന്നതാണ്.
തെരഞ്ഞെടുപ്പ് കാലത്ത് മാവോയിസ്റ്റുകളെ നേരിടാന് കണ്ണൂരില് നിന്ന് ഛത്തീസ്ഘഡിലേക്ക് പോകുന്ന സബ് ഇന്സ്പെക്റ്റര് മണികണ്ഠനായാണ് മമ്മൂട്ടി ചിത്രത്തില് എത്തുന്നത്. യഥാർത്ഥ കഥയുമായി ബന്ധപ്പെടുത്തിയാണ് സംവിധായകൻ ചിത്രം ഒരുക്കിയിരിക്കുന്നത്. വിനയ് ഫോര്ട്ട്, ആസിഫ് അലി, ഷൈന് ടോം ചാക്കോ, ജേക്കബ് ഗ്രിഗറി, സുധി കോപ്പ, അര്ജുന് അശോകന്, ദിലീഷ് പോത്തന്, അലന്സിയര് തുടങ്ങിയവര് പ്രധാന വേഷങ്ങളിലെത്തുന്നുണ്ട്.